壯陽極品

雖然家陣啲牛唔使再耕田，但係我哋對牛隻嘅重視依然不減，特別喺食用方面，打邊爐冇咗肥牛點似樣？同女友食西餐又點少得一塊西冷？去飲茶冇山竹牛肉又點算飲茶？牛肉對我哋真係好重要㗎！當然，牛隻除咗身上嘅肉可以食之外，牛肚、牛筋、牛腰、牛肺都可以食用，仲有，牛鞭及牛睾丸都係好多人嘅至愛，因為以形補形！為咗推廣牛睾丸嘅補益作用，美國蒙大拿州有人特別舉辦牛睾丸節！

每年，牛睾丸節都會於七月至八月期間盛大舉行，今年將會於7月29日至8月2日舉行，每年都吸引好多男男女女參加，一齊大啖大啖咁食酥炸牛睾丸！牛睾丸喺美國有「洛磯山區的鮮蠔」及「牛仔們的魚子醬」之稱，生蠔同魚子醬一直被視為壯陽佳品，牛睾丸當然唔例外啦！所以，每年牛睾丸節都吸引好多男士到場狂食牛睾丸，然而，女士們嘅數目亦唔少，因為牛睾丸節絕對係一個狂歡盡興嘅大日子！

濕衫透視

有咩精彩節目令一班女人踴躍參加？呢一層稍後再講，先講一講點解會有呢個節日出爐，創辦人洛特表示，每一個地方都應該有自己嘅特色節日，而養牛係蒙大拿州嘅傳統，蒙大拿亦有物盡其用、減少浪費嘅傳統，因此洛特就諗到，與其將牛睾丸掉落垃圾桶，不如用嚟食，兼且舉辦一個節日刺激大家大啖歎牛睾丸！

自從呢個節日舉辦之後，又真係吸引到好多人參加，而且當中嘅活動亦愈搞愈多，唔單止男士鍾意，女士亦好踴躍參加，例如有女子最愛嘅猛男上台比併邊一個胸毛最多最密嘅比賽！每次見到一班猛男着住底褲上台，一邊展現肌肉一邊輕撫胸口上嘅胸毛，台下嘅女士例必驚呼狂叫，有不少瘋狂嘅女士仲會上台狂扯猛男條底褲添！然而，女士瘋狂，男士亦一樣雀躍，因為節目中仲有一個濕衫比賽專門畀女士參加！參加嘅女士一定要真空上陣，然後上台搔首弄姿，台上嘅工作人員仲會不斷向佢射水，令女士身上嘅白色恤衫濕透，豐滿嘅雙峰以及兩點透視而出！唔使食牛睾丸都一樣覺得渾身是勁呀！

飛車咬丸

由於牛睾丸節舉辦嘅地方比較偏遠，所以傳統上有好多驅車四圍飛嘅飛車黨參加，因此，節目當中亦有一項專為佢哋而設，呢個節目就係飛車咬牛睾丸喇！參加比賽嘅朋友需要一男一女，男嘅負責揸電單車，女方則坐後座，當男方驅車飛馳嘅時候，女方就要用口咬住場邊飛出嚟嘅酥炸牛睾丸，接得最多為之勝出！感覺相當刺激！

仲有一個畀女士們發洩多餘精力嘅摔角大賽，由兩位身穿薄衫，甚至係冇着衫嘅女士於吹氣水池入面角力，場面肉光四射，男士們一定鍾意。到夜晚，活動亦冇因此而停止，仲可以話愈夜愈精彩添！因為，夜晚除咗會有大型派對，畀大家一邊飲酒，一邊溝女之外，仲有一個無上裝騎牛活動！由上身赤裸嘅女士跳上騎牛機上進行，騎牛機形如一頭蠻牛，只要一開動就會不停轉兼不停跳，上面嘅女士一定要抓實騎牛機嘅皮帶防止被拋落地，頂得最耐就有獎。騎牛機係咁跳，上面露兩點嘅女士就跟住係咁拋，波濤洶湧嘅情況極具震撼力！好堅呀！

撰文：賢