你喺一間度假酒店，正在泳池邊享受陽光，突然聽見有人跳水嘅聲音，之後見到泳池裏面，有個金色長髮嘅人形物體正在潛泳，正常人都會想睇吓佢個樣係點啦！不過好多時結果都會令人大失所望。
度假酒店嘅池邊，只得幾個人在曬太陽，突然有人跳下泳池，從池面隱約見到係一個金色長髮嘅人，大家都期待佢上水一刻。
池邊所有人都期待着，終於到咗上水一刻，原來出水芙蓉並唔係乜嘢金髮美女，而係一個留有長髮嘅中年肥佬，認真大失所望。
兩位等睇熱鬧嘅阿嬸，都忍唔住齊聲：「啋！真係撞鬼，原來係男人，返屋企記住要搵碌柚葉洗眼。」可見大家有幾失望。
小德