互相了解

谷桃子同長崎妹向來予人陽光氣息，加上佢哋樣子標青，身材玲瓏浮凸，故此一直以嚟不乏追求者，當然，想一親佢哋香澤嘅男士亦不計其數。不過想還想，實際可以埋到兩位靚女身卻唔係易事，事關兩位靚女不但守身如玉，更對男友有嚴格嘅要求。谷桃子笑道：「想成為我哋嘅男朋友一啲都唔易，首先對方嘅外形一定要合乎我哋嘅要求，就以我為例，對方一定要外向又充滿陽光氣息，先至啱我心水。」

長崎妹亦笑道：「我最鍾意有內涵嘅男士，不但要識好多嘢，仲要有番咁上下身手，先至可以畀到安全感我。」谷桃子續道：「其次就係大家要有深入嘅了解，起碼要知道對方嘅生活習慣、人生觀及價值觀，先至可以有機會成為我哋嘅男朋友。」

合拍與否

經過多重篩選後，都只係有機會，仲未能夠真正成為佢哋嘅男朋友，要求好似高咗啲喎！長崎妹解釋：「我哋多人追，梗係要揀個啱心水先至得，何況我哋都唔係隨便嘅人，點可能求其揀嘅呢？最重要嘅就係我覺得如果要拍拖嘅話，最重要就係搵番個合拍、啱嘴形嘅人，先至可以畀到戀愛嘅感覺我哋。」

聽長崎妹咁講，即係話想同長崎妹發展深入嘅關係前，先要肯定咗男女朋友嘅關係呢？長崎妹點頭道：「我嘅性格其實非常保守，認為有深入關係前，一定要肯定咗對方嘅身份，否則唔使旨意越雷池半步。」谷桃子亦贊同道：「我都認為先要確定身份，先至可以發生親密嘅關係。此外，我更認為透過長時間嘅相處，可以加深對對方嘅認識，從而知道我哋合唔會拍，否則發生關係後，至發覺對方原來唔係你杯茶，到時便後悔莫及。」

體貼主動

聽完兩位靚女講述自己嘅揀男友規條後，唔知邊種性格嘅男士，最能打動兩位靚女嘅芳心呢？谷桃子甜笑道：「講到最易打動我芳心嘅男士，就一定要體貼又識得照顧我。因為我嘅性格非常大頭蝦，經常唔記得重要嘅嘢擺喺邊，有時出街又唔記得帶鎖匙，所以如果有個體貼嘅男士喺我身邊嘅話，咁就可以照顧到我嘅需要。」

長崎妹則笑道：「我認為主動最重要，事關我好怕醜，如果要我主動同心儀嘅對象示愛嘅話，相信會好難。縱然上到床，我都希望對方採取主動，可以避免尷尬之餘，又可以讓我體驗床笫之樂。故此，如果想成為我男友，就一定要主動啲喇！」

谷桃子小檔案

出生日期：1984年9月9日

身高：160cm

三圍：35、23、34

興趣：跑步

長崎莉奈小檔案

出生日期：1987年9月26日

身高：164cm

三圍：31、23、33

興趣：游泳

撰文：阿豪