呢啲話引退又復出嘅女優，復出嘅原因有好多，可能係因為引退後搵唔到出路，或者轉行唔成功，被迫重操故業；甚至因為財政管理不善，以致債台高築，惟有再次拋個身出嚟。另一方面，唔好以為女優復出就可以引起AV迷嘅注意，查實「復活」嘅女優，並非每個都有好嘅發展，有部分喺引退前萬人矚目，但「復活」後嘅聲勢變得大不如前，女優松楓，就係其中一個好例子。

話說當年人氣極高嘅松楓，正當佢嘅事業如日方中，突然喺07年7月宣布，因為準備同男友結婚，所以正式引退。當時不知令幾多AV迷傷心，但事隔一年多，松妹突然宣布復出，並簽約S1成為其專屬女優，推出復出後第一部作品《松楓復活》。

雖然呢位人氣女優喺復出嘅時候，曾經引嚟AV迷嘅哄動，但由於復出後嘅松妹，狀態大不如前，而身體質素更係下滑不少，加上AV界後起之秀甚多，高質嘅亦有不少。對向來貪新忘舊嘅AV迷嚟講，松妹已再難引起佢哋嘅注意，松妹人氣急滑亦係理所當然嘅事。