自責心理

有自娛習慣嘅姊妹，心中往往會有一種罪咎感，認為呢種行為係唔正常嘅。不過，每當性慾高漲嘅時候，卻每每以此作自我滿足，就好似上咗癮咁，一方面覺得唔啱，但另一方面欲罷不能，因而會不時自怨自責。脫星謝茜喺入行初時，就面對過呢種苦況，阿妹話皆因習慣咗開工時性愛帶嚟嘅歡愉，夜闌人靜時好難過，惟有靠自己解決。

謝茜話：「每當自娛過後，又恐怕會影響健康，影響性功能，因而感到惶恐不安。本想搵個男友平衡一下，奈何我職業影響，因而形成一種無形嘅壓力，經常抑壓性慾。而喺呢種情況下，就會影響到性慾產生，無法全情投入喺性愛過程中。」

難獲高潮

查實謝茜都冇講錯，事關正常嚟講，冇自娛習慣嘅姊妹，由於仍然處於高度敏感狀態，故此每當同丈夫行房時，只要稍加刺激就能引起快感，並且進入高潮。但有自娛習慣嘅姊妹就唔同嘞，由於佢哋長期透過直接刺激而獲得快感，因此敏感度會大大下降，若然冇番咁上下時間前戲輔助，就好難喺正常嘅性生活中得到高潮。咁對於佢嘅另一半就造成極大壓力，事關每次行房，對方都要花費長時間於前戲中，性生活時間就會延長，唔單止會妨礙性趣，更有可能令男性漸漸由熱變冷，影響性生活嘅平衡。

謝茜就自言因為以上情況受過不少苦頭，阿妹解釋：「由於工作關係，我習慣每日都有性行為，於是喺冇工開嘅日子，我就搵個男友仔滿足我，奈何對方再努力，我都未能滿足，於是我又靠自娛解決。漸漸，我失去所有性趣，見到男人都提唔起性慾，生怕對方搞到我半天吊！」

影響健康

做人無節制，真係邊個都幫唔到你，謝茜經歷咗兩年無性慾嘅日子，而姊妹貝特亦唔好得去邊，阿妹從小到大都有自娛習慣，結果不能自拔，就算有男友都情願自己解決，阿妹更因此懷疑自己係性冷感。其實自娛除咗會產生心理障礙同推遲得到性滿足嘅時間外，仲會影響生理健康，例如出現下體腫脹、腰痠背痛等各種性生活不適嘅症狀。而產生呢啲症狀嘅原因，其實係由於長期反覆自娛，而導致性器官長期充血，造成盆腔瘀血，影響生理健康。

故此，過度嘅自娛唔單止會影響正常性生活，仲會對健康產生負面影響，各位姊妹千祈唔好學脫星咁玩唔停手！所謂少食多滋味，任何事都唔能夠過度及過量，雖然到現今為止，醫學界仍未有數據肯定點先至算做過度自娛，但係當你感到上述任何一種情況出現時，相信已代表亮起紅燈，小心小心！

謝茜Profile

出生日期：1979年5月21日

三圍：34D、26、36

身高：5呎7吋

貝特Profile

出生日期：1987年2月7日

三圍：32B、22、32

身高：5呎5吋

撰文：祖