急流勇退唔係每個人都做到，尤其係正值高峰時期，係人都有雄心壯志，希望能夠再衝高峰，又點會選擇喺呢個時候引退呢？如果呢個時候突然引退嘅話，未必會每個人話你識時務，仲可能懷疑你因為自己有問題而被迫離開。其實AV界亦有類似急流勇退嘅詞語，而呢個詞語就係「電擊引退」嘞！
「電擊引退」當中嘅「電擊」，意思指突然，加上「引退」二字，即解作突然退隱嘅意思。一般嚟講，AV女優好少會出現「電擊引退」，尤其係嗰啲正值發展得如日方中嘅女優，更鮮有會突然引退嘅例子。事關對AV片商嚟講，如果女優突然引退嘅話，不但會打亂佢嘅拍片計劃，而後續嘅宣傳計劃定會大受影響，損失亦難以估計，故此如果女優突然宣布「電擊引退」嘅話，背後一定係有重大嘅原因。一般嚟講，女優「電擊引退」嘅原因主要有幾種，分別係患病、結婚或被屋企人發現，而強迫佢引退。講到呢三個常見原因中，最慘嘅莫過於有病。事關女優如果有病嘅話，不但冇AV男優夠膽埋身，而片商亦唔願意搵佢拍片，縱然女優唔宣布引退，公司亦唔會安排佢拍片。當然，女優唔一定係患上性病，可能係其他長期疾病，縱使係性病，公司同女優亦唔宣之於口，因為大家都唔敢寫包單，女優病好後會唔會復出再戰江湖，都係留一線好啲，係咪？
阿豪