日本AV界有唔少稱為「寫真偶像」嘅AV女優，即係佢哋先前都係拍寫真，仲要成績不錯，之後再走去拍AV。不過，寫真女優轉戰AV界並唔一定係好事，除咗寫真女優質素參差不齊，最重要係女優要脫光光畀人睇，如女優身上有乜缺點都會表露無遺。
呢次嘅主角就係其中一個例子，於早年佢以「百瀨Eru」之名出道，曾推出多套水着作品，憑着39H-cup上圍，加上白淨嘅肌膚，迅即成為寫真界嘅新寵。一直以嚟，呢類巨乳級寫真女優都非常受歡迎，但呢位索女似乎並未滿足，終於喺去年底加入AV界，成為新片商「美」嘅一員。首部作品《爆乳寫真偶像出道》，同樣以驚人巨乳為賣點，但奇怪在片中，佢從開場到結尾都着住上衣，完全將身材遮蓋，當時好多觀眾都唔明白片商點解要咁做，直到推出第二套作品時，終於真相大白，原來佢不但打假波，而且隆胸手術似乎失敗咗，兩個肉球比例明顯不同，最恐怖就係有變形嘅情況，更惹起業界不少惡評，終於喺早前被片商飛出局。究竟邊位女優打假波咁曳曳呢？
答案：杉原桃花
出生日期：1985年12月15日
身高：164cm
血型：A型
三圍：39H、24、35
娟娟