近年啲年輕男女，都講求身材要弗，所以男人就走去玩健身，女人就走去收身，但擁有一身健碩身材，係咪就會特別易識到女仔呢？原來未必㗎！今日推介嘅奇趣短片，男主角練得一身肌肉，竟然得唔到美女嘅垂青，究竟點解？
大隻堅今日去沙灘沖浪，發現岸邊有兩個靚女曬太陽，於是第一時間走埋去結識佢哋，點知兩個女仔齊齊叫大隻堅咪嘥時間。
大隻堅話自己一身肌肉，點解要佢唔好嘥時間？兩個囡囡異口同聲話，就係因為你太弗太生猛喇！大隻堅話身材太弗都唔啱？
兩個囡囡話，我哋要搵啲又肥又矮嘅男人，出入名貴房車，家住半山豪宅，家財億億聲咁計，你有咁嘅條件，我會考慮吓嘅。
小德