文仔喺間大型海洋水族中心度做清潔工人，佢性格懶散，做嘢極唔專心，仲經常發明星夢，一邊聽歌一邊跳舞。

文仔跳得性起之際，竟然拎埋支地拖棍當咪高峰亂咁篤，仲錯手篤咗落水族館塊玻璃度，玻璃上即時出現裂痕。

眼見玻璃裂痕裂得愈嚟愈大，文仔束手無策嘅時候，眼前竟然有條巨型大白鯊游緊埋嚟，今勻真係唔知點收科！

阿豪