最怕暴肥
要將自己保持喺最佳體態，除咗要注重飲食健康，常做運動之餘，先天嘅因素原來都好大影響㗎！例如有啲人無論點食都唔會肥，但有人則幾日唔食飯都一樣無得瘦，認真吹脹！好似喺澳門大×豪桑拿殿工作嘅技師AN同Thuy咁，就咁啱都曾經肥胖過，仲係無論點做運動或者控制飲食都難以變瘦，只能保持原狀。其實兩位妹豬咁嘅身形，都冇乜唔好啫？
AN話：「我本身就係肥肥哋類型，對我嚟講梗係唔好多過好啦！雖然試過好多次，喺暴飲暴食嘅情況下，身形都依然一樣，但難保他日身體嘅狀況會有唔同，到時若然食少少就肥到豬頭咁，真係想搵個伴侶都難囉！所以為咗令自己保持『市場價值』，都係要注意飲食，同埋定時定候做運動！」
瘦身保胸
本身肥肥哋嘅AN就怕身體暴肥，咁唔知本身「瘦底」嘅Thuy係咪可以毫無顧忌呢？
Thuy話：「雖然我依家身形都算苗條，喺食嘢同運動方面比AN可以放肆得多，但咁都唔代表我毫無顧忌，日常生活不論飲食或者運動，我都要睇到實一實，只係比AN放鬆啲，冇咁緊張之嘛！」雖然話依家潮流興瘦身，但長期瘦落去，遲早變人乾咪仲恐怖？「我都冇諗住要瘦到得棚骨，只不過係想保持住依家呢個身形，其實我好明白，男人都鍾意有啲肉地，尤其是心口兩舊肉，而胸部基本上都係以脂肪為主，所以若然我唔保持食量嘅話，萬一再瘦落去，我個胸就會大縮水！」 女人真麻煩，又想身瘦，又想胸大，邊有咁理想㗎！
肥瘦都得
既然兩個對身材咁着緊，但又好似唔係咁控制得到自己身形，咁咪處於好被動嘅狀態？兩位即時反駁，AN解釋：「其實係女人都對自己身材着緊啦！只不過我哋做呢一行，要靠外表搵食，所以零舍敏感啫！而剛才所講嘅，都係一啲因為我哋天生而嚟嘅體質問題，只要我哋對症下藥，就算真係肥啲或者瘦啲都冇乜大問題嘅！」嫌自己過肥過瘦係兩位，家陣又話冇乜所謂，究竟你哋想點㗎？Thuy話：「好簡單啫，最緊要都係有個形囉！所以要個胸有番咁上下巨，條腰襯埋去個身形有『S』形，咁就已經OK啦！不過潮流興追求瘦削，能力做到咪盡做囉！」
聽完兩位講述自己嘅身形，各位姊妹都應該學到嘢啦！
AN Profile
年齡：19歲
三圍：34、24、34
身高：5呎5吋
Thuy Profile
年齡：20歲
三圍：34、24、33
身高：5呎4吋
撰文：祖
攝影：強