近年以喪屍妖怪為題材嘅電影愈嚟愈多，唔係用盡方法打喪屍，就係諗盡計仔避喪屍。呢個風氣更吹到日本動漫界，而呢部人氣動漫作品《學園默示錄》，就係其中嘅一套喇！
故事講述喺私立藤美學園就讀高中嘅小室孝及宮本麗，喺上課途中，突然發現身邊出現數之不盡嘅喪屍。為咗可以逃離受災城市，兩人聯同幾個同學衝出重圍，希望能夠走到安全地帶，展開一幕幕驚心動魄嘅場面。
對於睇慣喪屍片嘅觀眾嚟講，故事雖然有點兒陳腔濫調，幸好人物設定非常突出，尤其係女角色嘅設定上，絕大部分出場嘅女角，都係巨乳級美人，最過癮就係不乏爆衫、飛釘、露底，甚至幾乎全裸等香艷場面，單係呢啲賣點就足以為佢爭取收視率！今次介紹嘅水手服美少女宮本麗首辦模型，正好充分表現呢點。
作為長槍高手嘅宮本麗，模型附有一支長槍，讓玩家能夠細味宮本麗持槍嘅英姿。喺貼身嘅水手服襯托下，傲人雙峰更見突出，加上可脫衣設計，讓大家隨時可以欣賞索女嘅胴體，絕對係養眼佳作！
全高：120mm
售價：7,800日圓（約HK$642）
娟娟