今日下晝有護士嚟同小娟嗰班上性教育課，啲男生當然開心，個個都爭住坐第一排，而女生就好醒目，讓晒頭幾排出嚟，等啲男生慢慢自我滿足。點知有個男生肥然好奇怪，竟然唔坐前面，反而坐到最後，啱啱喺正小娟同阿花嘅後面。
小娟問肥然：「你做乜唔坐前面？」肥然話：「前面人多，有啲嘢唔係咁方便！」小娟不以為然。此時，史Sir帶咗位一靚女護士入場。呢個護士人靚身材好，胸前更特別發達，白色嘅護士制服，完全掩蓋唔住佢驕人嘅身材，班男生見狀立即嘩然。史Sir叫各人靜啲，講咗一輪介紹之後，個靚女護士就開始講課。佢一邊播投影片，一邊講解，啲男生聽到嘩嘩聲，女生亦聽得聚精會神。當講到男女性行為時，小娟同阿花發現從後面傳出怪聲，小娟低聲問：「肥然你喺後面搞乜嘢咁嘈呀？」肥然話：「你咪理！你哋兩個唔好郁，畀人睇到唔得掂㗎！」阿花無意一望：「小娟！肥然喺褲浪中間猛咁捽嘢呀？」肥然捽嘢嘅聲音更密，小娟覺得煩厭，於是回望肥然：「你做乜呀……」話未說完，「嗦」一聲，有液體迎面飛向小娟面上。
各位聰明嘅讀者，大家又猜唔猜得到，肥然喺後排度捽乜嘢呢？
1. 肥然喺度捽香港腳 2. 肥然喺度享受自娛
3. 肥然喺度偷食水果 4. 肥然喺度捽緊老泥
小德
答案：3.肥然喺度偷食水果
解釋：原來肥然食完午飯之後仲有個水果未食，難得下畫冇堂上，於是走去後排坐，仲叫小娟佢哋幫佢掩護，當大家都全神貫注時，佢就攞個水果出嚟。但係個水果仲未洗，於是佢就喺大髀上出力捽，當捽乾淨之後，啱啱就係小娟望過嚟嘅時候，肥然一口咬落去，啲水果汁正好射向小娟塊面，真係巧合到你唔信。