以前嘅日本AV鍾意以追女仔作為題材，不過呢類型嘅橋段睇得多都覺得厭，故此，便出現以女角為主嘅AV，以女角為故事中心，講述佢哋溝仔嘅故事。而呢類型嘅AV便稱之為為「逆」，好似《混浴溫泉逆篇》、《電車逆猥褻》等AV，就係以女主角為主嘅「逆」系列AV。
此外，呢類「逆」AV嘅特別之處，在於慣用大堆頭形式。所謂大堆頭，就係喺片中，有三個或以上嘅AV女優演出，用以表現出片中一班靚女為求滿足生理需要嘅欲望。不過，由於大堆頭AV，一般難以吸引具有人氣嘅AV女優參與，而另一方面，AV片商亦怕旗下女優會分薄演出，故此一般只會搵嚟冇乜人氣嘅素人女優嚟演出。
就以去年一部極受歡迎嘅AV作品《哈哈鏡下激烈的身體 逆泡妞》為例。片中請嚟四位素人女優演出。雖然係冇乜人氣嘅素人，但唔代表片中女優並冇吸引力，情況恰好相反，AV甫推出市場，馬上吸引AV迷嘅目光，而呢部AV更連續四星期登上AV銷量排行榜五甲之內，足見作品受到大家何等歡迎。
佢之所以如此吸引，除咗因為影片「逆」系AV故事具有特色外，亦由於片中幾個女優都各具特色，尤其係當中一個叫做藤木瞳嘅女優，佢唔單止樣貌清純甜美，而身材更係極為出眾，放喺一眾素人女優當中，不但未見被比下去，反而憑其出眾身材「凸」圍而出！
阿豪