撰文：祖 攝影：強
愈飲愈多
夜總會除咗係男士追求嘅溫柔鄉之外，亦都係佢哋表現豪氣嘅好時候。因為喺夜總會入面，飲酒猜枚係指定動作，而飲得酒愈多，愈能夠表現到豪氣。但喺比併當中，有好多人都會忽略咗酒量問題，令到大家都係不省人事收場，好似喺澳門×龍夜總會工作嘅PR 小印及無心，就話每日都見到唔少飲到爛醉嘅人客。
小印話：「以澳門嘅玩法嚟講，每個人客身邊都會有靚女陪坐，而大家喺見面嘅時候飲幾杯，之後猜枚再飲幾杯，真係未必個個有咁好嘅酒量㗎！而且飲咗酒後，好多人會因為酒精嘅影響而變得開懷咗，繼而就不自覺愈飲愈多。所以有唔少人就係喺呢個循環入面不能自拔，最後咪飲醉收場囉！」雖然飲酒的確可以令人開懷，但喺夜場咁飲法，隨時命都冇！
指定動作
既然飲醉咁危險，咁唔飲係咪好啲呢？小印就擰擰頭話：「喺夜總會飲酒猜枚係指定動作，唔飲酒嘅話唔通飲鮮奶咩？而且成班男人一齊玩，仲要有啲靚女喺度睇住，唔飲酒會畀人笑㗎！所以就算啲人客酒量淺都好，都要照頂硬上。其實飲酒都未必唔係一件好事，只要好好咁控制飲酒嘅分量，真係百利而無一害嘅！」但話晒夜總會都係尋花問柳嘅地方，一開始飲咗又點停得到呢？
「呢樣嘢就分為兩個部分，首先要睇吓個人客係咪追酒飲嘅客，因為追酒客會好冇意識咁自己灌自己，喺身邊嘅人根本阻止唔到佢，另外要留意嘅，就要睇吓人客酒量係咪淺得可憐，如果兩樣都唔係嘅話，只要我哋喺旁邊幫手，都唔會有飲醉情況出現嘅！」
囡囡幫手
囡囡話會幫人客手，唔知佢哋通常點幫呢？無心話：「只要喺猜枚嘅方式上改變咪得囉！譬如我哋留意到人客好似飲得差唔多嘅話，就由單對單嘅玩法變成拍檔，一來可以降低輸嘅機會，而且仲可以將每次飲酒之間嘅時間拉長，咁大家咪會有多啲時間回氣，想醉都冇咁易啦！」原來有啲咁嘅方法。
小印更話：「因為酒精可以令人開懷嘛！所以飲咗適量嘅酒之後，大家咪會玩得熱情啲，咁做法除咗會令氣氛好啲外，仲可以令大家變得少啲顧忌，玩落都開心啲啦！但要令到每個人客都去到呢個境界都唔係咁容易，因為並非每個人嘅酒量都一樣，所以要靠我哋就住人客玩，等大家都可以進入狀態，齊齊開心喇！」小印同無心唔只飲得，連照顧客人都有一手！
小印 Profile
年齡：19歲
三圍：34、24、33
身高：5呎4吋
無心 Profile
年齡：20歲
三圍：34、24、34
身高：5呎5吋