撰文：祖
「騷」到癢處
美國每年都有好多情色博覽會，由主辦單位邀請鹹片廠商、情趣用品商以及艷舞團體等參加演出，目的除咗宣傳情色文化之外，最重要當然係開拓客路搵真銀啦！最近，情色博覽會嘅風氣已經吹到內地，所以較早前廣州都已經有一個性博覽，令神洲大地嘅人民領略到更深層次嘅情色文化。
不過，要數到最正嘅情色博覽，就唔夠最近喺巴西聖保羅舉行嘅情色騷玩得咁興奮喇！因為呢個名為Eros Show情色界重要活動，的而且確以做騷為主，一連五日嘅活動期間，每一日都有超過6小時不同嘅騷於場內不停進行，當中包括明刀明槍嘅真人科騷、內衣表演、情色話劇、鋼管舞、猛男脫衣舞等等，每個騷都有俊男或美女作三點盡露表演，而且仲係冇底線咁演出，保證令畀錢入場嘅觀眾睇到心癢癢，繼而血脈沸騰！比起好多美國情色博覽會更興奮、更有味道！
數字驚人
轉眼之間，Eros Show已經踏入五周年大日子，雖然歷史話長唔長，話短唔短，但係主辦單位就認為今年能夠成功舉辦已經相當難得，事關金融海嘯令全球經濟大受影響，有冇好色之徒以及各界成人娛樂單位，仲拎得出閒錢專程飛到巴西參加是次活動都係未知之數。
不過，慶幸嘅係，今次活動的確得到好多方面鼎力支持，令主辦單位大感安慰，而且仲決定用實質行動嚟表示對各界嘅感謝！所以，今年主辦單位一於搞大佢，有幾大呢？首先整個騷所用嘅場館超過1,200平方米，即係萬幾呎地方面積，而且仲邀請超過三十間公司在場開設檔口，更加有十個艷舞團上台大跳激情艷舞娛樂大家。除此之外，咁大個情色騷，梗係要有四仔脫星到場坐鎮咁先似樣啦！唔係嚇大家，今次呢個活動足足有超過八千位四仔脫星到場，一方面同參加者𠵱𠵱泣泣，另一方面當然係為自己推銷四仔，增加收入啦！
追求互動
情色騷有大量真人科騷欣賞之外，場內仲有大量展銷攤位，等大家可以選購情趣用品以及四仔。不過，情色騷原來嘅宗旨其實係希望令大家有一套正確性觀念，今次亦冇例外，所以場內一早已經安排好性學講座，有專家為大家講述健康以及安全嘅性生活如何由自己建立，同時亦有性教育產品分銷商、電台節目以及電視節目嘅有關人等教授性知識，對性事有疑惑嘅朋友仲可以舉手發問，同專家作互動交流，更加有性心理專家提供一對一服務，幫助大家了解自己嘅性態度以及如何改善兩性關係。
而講到互動，場內咁多脫星以及艷舞女郎亦一樣會同參加者互動㗎！艷舞女郎時不時都會跳到落台，隨手拉一個參加者上台一齊跳舞，女郎嘅舞姿誘惑。仲一邊跳一邊向參加者挑逗，定力少啲都頂唔順。而脫星則會同大家打成一片，除咗可以合照之外，亦可以坐低飲酒談心，大膽啲嘅朋友大可以落嘴頭氹吓對方，睇吓個騷完咗之後有冇着落喇！