呢排去曼谷玩嘅朋友確係少啲，呢個亦都係因為早前政局問題所致，但係隨住局勢穩定之後，客人又開始過嚟玩，好似喺甩七打地區幾間場咁，經理話呢兩個星期開始有唔少舊客都表示，會喺暑假期間去曼谷，佢哋話依家已經接到幾十位客人，叫夜場幫手訂酒店房，特別係部分位於甩七打區嘅大場，早已經幫客人四出搵酒店。
雖然，係唔係真係有咁多客人去玩，到目前為止都係未知之數，但係當地嘅夜場對於前景都係非常樂觀，特別係嚟緊嘅六月開始暑假旺季，佢哋都認為客人量會比起年頭時多。亦因為呢個原因，唔少之前因為政局問題搞到無生意而暫時告別呢行嘅小姐，近日都開始聯絡番舊場，希望可以重新投入呢一行搵食，相信佢哋都認為，暑假呢個檔期係唔可以放過。
至於有部分場，更有唔少剛剛讀完書，準備出嚟做事嘅後生女去夜場搵工，而夜場方面，最近亦廣泛搵小姐加盟，希望可以喺暑假前加強自己場內女嘅實力。其實一般都認為，只要呢段期間唔好再有人出嚟搞事的話，下兩個月嘅暑假應該會好。
刮王