撰文：阿豪
勇於表白
明知自己唔係對方杯茶，仲要同佢表白，好似燈蛾撲火喎！川村杏奈搖頭道：「女人係一種好複雜嘅動物。雖然最終未必會接受你嘅愛，但對你呢種勇敢嘅行為，卻會暗自讚賞。尤其係只要你表白嘅方法，能夠做到既唔唐突佳人，又讓佢印象難忘嘅話，更隨時有加分嘅可能。反正你都知道自己唔係佢杯茶嘅話，何不營造一個美好嘅經歷畀大家，讓大家日後能夠留下一個美好嘅回憶呢？」
話雖如此，但喺明知冇可能嘅情況下表白，真係好需要勇氣。川村妹笑道：「咁又真係要幾大嘅勇氣㗎！好似以前喺讀書時，我就曾經同一個學長表白，當時明知對方唔鍾意我，又希望佢能了解到我嘅心意，心情真係好矛盾。」
討厭扭擰
聽到川村妹呢番說話，堀井美月竟然忍唔住大加讚賞。佢點頭道：「川村呢種勇於表白嘅行為，絕對係女性嘅驕傲！」聽堀井妹咁講，唔通佢非常討厭嗰啲只係識得諗，而唔敢喺對方面前表白嘅人？堀井妹就話：「確實如此，而我尤其討厭嗰啲只係識得同其他人講，話佢有幾咁鍾意我嘅人，但去到我嘅面前卻扭扭擰擰，就算我問到出口，佢都唔敢同我講。呢種懦弱嘅行為，實在惹我討厭！」
睇嚟堀井妹都係一個爽朗嘅女性喎。堀井妹笑道：「我覺得愛情最重要讓對方知道，如果對方感受唔到嘅話，呢種愛就冇佢嘅價值，故此我就算知道冇機會同對方一齊，仍然會跟對方講清楚，以免心中留下遺憾。」
溫柔纏綿
咁又係嘅，起碼讓對方知道你嘅心意，自己內心亦會覺得舒服啲。川村妺更表示，如果勇於表白嘅話，可能有意外嘅收穫添！佢解釋：「如果表白方法恰當，讓對方感動嘅話，可能會有機會扭轉乾坤。好似我身邊嘅朋友咁，佢有一個非常要好嘅男性朋友，原來暗戀咗佢有一段日子，後來對方營造一個浪漫無比嘅環境同佢表白，竟然打動咗我個朋友，不但發展成情侶，更火速同佢撻着，依家仲計劃拉埋天窗添！」
堀井妹點頭道：「我都有類似嘅經歷，話說有個男生同我表白。雖然當時覺得佢唔係我心目中嘅理想對象，但經過呢件事後，多咗留意佢，發覺佢嘅性格非常好，仲對我非常細心，後來慢慢地燃起我對佢嘅興趣，更喺一個晚上同佢有親密嘅接觸。佢當然開心不已，而我亦好開心能夠搵到個對我咁好嘅男友。」
堀井美月Profile
出生日期：1986年4月21日
身 高：148cm
三 圍：37、22、34
血 型：A型
興 趣：跑步
川村杏奈Profile
出生日期：1986年4月25日
身 高：160cm
三 圍：35、23、34
血 型：O型
興 趣：游泳