獅子女擁有極強自信，呢個係佢哋嘅魅力來源，由於佢哋對自己充滿信心關係，散發出一種誘人魅力，尤其喺床上。獅子女擁有如短跑選手般嘅爆炸力，以及超乎常人嘅體力，最喜歡用激烈方式做愛，有時甚至有如上戰場打仗一樣。
不過，唔習慣呢種做愛方式嘅男性，可能感到有啲辛苦，特別係當獅子女處於極度興奮嘅狀態，好多時只顧自己享樂而忽略咗對手嘅感受，往往令人感到非常冇癮。而同屬獅子座嘅AV女優麗花（生於1984年8月13日），佢就經常犯上呢個錯誤，喺拍片時，由於過分投入，唔識得「收油」，導致男優頂唔順而走火收場，搞到畀導演鬧兼需要重拍。
唔想令雙方都感到冇癮嘅話，不妨喺前奏部分多下功夫，好似利用手口去服侍佢哋，一來消耗佢哋嘅體力，令做愛時間縮短，不至於體力不足而中途腳軟，二來令佢哋有充足嘅熱身運動，入正題嗰陣更易達到高潮，咁就唔使咁辛苦啦！
性愛運程：有機會遇上一位非常被動嘅對手，對方淨係識攤喺度任人魚肉，令你獲得更大滿足感。
挑情攻略：利用手口去挑逗對手身上各個敏感地帶，能夠激發對方嘅內在潛能，玩得更盡情盡性。
必殺體位：騎牛牛係相當適合你嘅性姿勢，事關你擁有極強嘅耐力，由你做主導肯定唔會有悶場發生。
娟娟