一位署名「破柴」嘅讀者傳真問及：「於醫院檢驗證實已患上前列腺炎，現在正服食藥物治療，由於怕尷尬所以冇問醫生可唔可以繼續進行性生活，但有朋友話唔可以，因為可能會將啲炎症傳染咗畀老婆，究竟係唔係真嘅呢？」
首先前列腺炎係唔會透過性接觸傳染畀女方，所以大家大可放心，至於性生活，有些醫生會唔贊成，但亦有專家贊成保持適度嘅性生活，主要原因係前列腺炎嘅患病，有部分會喺性生活之後，出現一啲腰痛、尿道疼痛同埋排尿不適嘅情況。
如果醫生贊成嘅話，出現呢啲情況，佢哋會有兩種反應，一就係會怪罪醫生，認為佢治療失當，二就係以為自己性能力出問題，令壓力增加，甚至變成焦慮或者抑鬱，喺心理上造成莫大創傷，有可能於前列腺炎治好後，性功能亦無法回復。
所以醫生都唔會贊成治療期間繼續性行為，但有專家指出，病人每周保持一至兩次嘅性生活，對前列腺嘅引流有一定幫助，至於不適嘅問題，專家話係正常嘅反應，慢慢就會適應，只要保持心境平靜，性行為後好好休息，對病情更有一定嘅幫助。
陽起子