(界)女勝地
你話學游水、踢波、爬山，甚至打麻雀，都可以搵師傅教，但講到溝女，如果冇番過百次嘅失敗、數千次食檸檬嘅經驗，都好難開到竅！有人就會選擇問朋友、睇吓書、參考其他人嘅經驗，不過(界)女秘笈卻係因人嘅性格及外在而異，究竟有乜辦法可以練就高超嘅(界)女技術呢？呢間位於美國佛羅里達州嘅地下夜總會，相信可以幫到你手！
呢間夜總會特別嘅地方，在於每逢星期一晚都會舉辦大型派對，等各方玩家嚟到呢度(界)女。據派對負責人Allen表示：「雖然派對裏面嘅靚女絕大部分係夜總會嘅小姐，但唔好以為佢哋會為咗爭生意而放水。事關我哋夜總會逢星期一都會休息一天，變身成派對嘅場地，故此，靚女們喺當晚嘅角色並非小姐，而係喺度玩樂嘅玩家。」
由於靚女們並非工作在身關係，故此佢哋嘅態度同平時好唔同。以前就話要招呼客人，乜都應承你，但到咗嗰晚，假如你唔識得(界)佢哋嘅話，就絕對會食白果！幸好呢班靚女態度非常好，你唔識得(界)女嘅話，佢哋會主動傳授(界)女秘笈。久而久之，呢間夜總會得到「(界)女秘Club」嘅稱號，吸引不少男士前來(界)女。
主動傳授
點解傳授(界)女秘笈，會如此受到男士嘅歡迎呢？Allen就話：「講到同男士相處嘅經驗，相信冇人能夠及得上夜總會嘅小姐，最重要佢哋對女人嘅心態瞭如指掌，同時又識得點樣同男人溝通，是以講到(界)女技巧嘅話，有一定嘅權威性。可能係咁嘅緣故，男士們同佢哋交手，既能學會(界)女嘅方法之餘，又可以喺佢哋身上實踐，因而吸引不少慕名而嚟嘅玩家。」
曾經到過呢間夜總會玩樂嘅玩家Patrick笑道：「其實我都係經朋友介紹，先至知道有間咁特別夜總會存在。話說有次講起(界)女，我向朋友表示唔知點樣入手，朋友便推介我到呢間夜總會試吓。起初以為佢想叫我落夜總會玩，點知原來佢叫我搵靚女取經。」當Patrick去到夜總會後，發覺場內已經聚滿不少男女。Patrick喺朋友嘅鼓勵下，決定向其中一個靚女埋手。
「以為請佢飲嘢就得，點知對方卻即場拒絕。以為畀人請食檸檬之際，靚女卻笑指我嘅(界)女功夫唔係咁掂。經佢教路下，至知道開場白原來非常重要，第一句說話唔可以咁隨便，要先引起對方嘅注意同好奇心。」Patrick笑道。
見啱就(界)
經過靚女教路，Patrick向另一位靚女埋手，果然成功打開話匣子。跟住Patrick再利用靚女嘅招數，氹得對方開心非常，仲同Patrick交換電話！Patrick就話：「估唔到本來唔識得點(界)女嘅我，竟然可以喺短時間內成功溝到靚女，唔怪之得嗰度有『(界)女秘笈』嘅稱號！不過我都唔夠我朋友厲害，皆因佢唔使幾分鐘，就已經冧到個靚女去曳曳。」
想學嘢自然要畀學費，而呢間Club亦一樣。雖然場內靚女任(界)，但就需要畀入場費。據Patrick表示，入場費每個人要60美元，並要有VIP級嘅朋友帶路先至可以入場。另外，場內嘅飲品價錢亦比一般酒吧為高，故此消費一啲都唔低。不過可以喺度學到一招半式，又有機會同靚女曳曳，划唔划算真係要計過至知。
撰文：阿豪