收到一位署名「弱雞」嘅讀者來信，查詢問題如下：「小弟最近發覺自己腰肢無力，進行房事嘅時候，完全發揮唔到從前應有嘅力度，有時仲會感到些微暈眩，想請教一下係乜嘢原因引致，同時又有何食療可以補助，令小弟重振雄風。」
弱雞先生所講嘅症狀，應該因為長時期休息不足，再加上放縱酒色，以及缺乏運動，令肝與腎功能有失調情況引，致腎虛體弱。
對於治療肝腎不足，腎虛體弱之症，一般都會採用杜仲。肝主筋、腎主骨，肝充則筋健、腎充則骨強，杜仲可補肝腎，有助改善肝腎不足、腰膝無力、眩暈、小便頻密等症狀。
如要改善肝腎不足引致的以上問題，可用杜仲五錢、五味子二錢，加羊腰一斤。先將杜仲及五味子加水適量煎煮約三十分鐘，隔去藥渣之後，再將藥汁加熱濃縮之稍為濃稠備用；將羊腰切成腰花，用中火爆炒，再加藥汁、適量生抽以及薑葱調味，待羊腰炒熟即可食用。
此食療有補肝、益腎、強腰功能，有腎虛體弱、慢性腰痛以及陽痿嘅朋友都非常適合食用。
陽起子