撰文：阿豪 攝影：阿強
欣賞態度
根據性心理學家嘅分析，發覺女人嘅鹹濕係有別於男人，男人嘅鹹濕在於對女性肉體嘅好奇，因此佢哋只要見到更靚、更索嘅另一位靚女，便會將之前遇到嘅靚女拋諸腦後，因此出現「朝三暮四」、「貪新厭舊」嘅形容詞。反觀女人嘅鹹濕，除咗係對男性外形嘅欣賞外，更滲入咗感情元素，絕非單純本能上嘅鹹濕。究竟呢種講法係咪真嘅呢？
小雙笑道：「鹹濕係人嘅本性，唔係男人嘅專利。事實上，我同好姊妹菲菲都係正宗嘅鹹濕妹，同佢一齊行街，最鍾意就係𥄫吓身邊有乜型男出現。不過正如性心理學家嘅分析一樣，我哋嘅鹹濕並非僅從欲望出發，更多時係對男性嘅欣賞，當中包括男人嘅魅力同氣質，而所謂嘅氣質，其實係指男人嘅內涵同修養所散發出嚟嘅男人味。」
菲菲點頭道：「男人見到稍為性感嘅靚女，便會馬上生出興趣，渴望一親香澤。雖然我哋都鍾意睇肌肉結實嘅型男，卻唔會因此而出現歪念，只係希望能夠同佢傾吓偈，就已經心滿意足。」真係冇非份之想？小雙大笑道：「當然啦！如果佢能夠畀個機會我同佢打番場友誼波，咁就最好不過！」菲菲補充道：「不過喺我哋同佢曳曳前，都要有一定程度嘅了解至得。萬一上到床後，至發覺佢原來粗暴非常，或者鍾意喺床上歎慢板嘅話，到時咪捉蟲？」
地位轉變
聽到兩位靚女如此坦白承認自己係鹹濕妹，真係有啲意想不到！事關呢種真情剖白對異性嘅態度，如果喺以前嘅社會，一定會被人視作蕩女。小雙就話：「其實依家世界已經唔同咗。以前女人為咗保持矜持、內斂，不但唔會喺人哋面前講出佢哋對異性嘅睇法，而任何有關性嘅話題，更係被視為禁忌。假如你同異性講呢啲話題嘅話，隨時會畀人拉去浸豬籠添！」
小雙續道：「依家世界講求男女平等，唔單止喺工作方面，就連家庭角色亦有唔同，尤其係性觀念方面，女性嘅地位更係大為提高。喺呢個情況下，我哋公開講出性態度，已經唔係乜嘢問題。」
睇嚟小雙都係一個現代女性喎。小雙笑道：「係呀！不過我身邊仍然有不少姊妹，認為性生活要以男性為主。譬如喺解決生理需要方面，佢哋便認為一定要有個男人作伴，先至係正常嘅性生活。不過我就唔係咁諗，事關我覺得，男人既然可以透過自娛或利用情趣玩具嚟得到性快感，點解我哋女人又唔可以？故此，我屋企擺咗大堆唔同款式嘅情趣用品，好似按摩器、震蛋等，當我有需要嘅時候，便可以拎出嚟自娛一番。此外，當我遇到心儀嘅性伴時，更可以利用玩具令性生活變得更有情趣。可能係因為我勇於尋找性快樂嘅緣故，因此姊妹們都話我係鹹濕妹。」
與生俱來
聽到小雙咁講，菲菲便笑道：「咁樣又點算係鹹濕呢？我哋只不過係追求更好嘅生活而已。」菲菲言下之意，莫非佢有其他方法追求更佳嘅性愛樂趣？菲菲就話：「話個秘密你知，其實我最鍾意就係儲四仔。」嘩！女人儲四仔真係少見，果然係鹹濕妹！
菲菲表示：「正如我之前所講，女人同男人一樣，充滿對異性嘅好奇心，為咗滿足我對異性嘅幻想，儲四仔又有乜嘢出奇？雖然我對性愛有着極大嘅興趣，但卻唔會因此而主動兜搭男士。事關我覺得純粹出於性愛嘅心，係冇可能領略到性愛嘅真諦，反而完事後會有一份空虛嘅感覺。」
不過睇四仔嚟自娛咪仲空虛？菲菲搖頭道：「睇四仔自娛嘅情況又唔同嘅，事關我可以利用想像力嚟搭夠，幻想對方係我以前嘅男友又得，或者係暗戀嘅對象又得，最重要就係一切都只不過係我嘅幻想，任我天馬行空都冇所謂。反而求其搵個男人曳曳，既唔知道佢床上同我合唔合拍，事後又擔心佢死纏爛打，咁咪仲煩。故此，如果畀我揀嘅話，情願一個人匿喺屋企自我解決，都唔想是但同個男人去酒店。」聽完兩位靚女嘅剖白後，發覺佢哋之所以自認鹹濕，並非指佢哋性生活放蕩，而係顯示出佢哋更樂於追求自我嘅享受，唔知大家又點認為呢？
小雙profile
年齡：22
身高：5呎3吋
三圍：33、23、34
強項：火龍狂鑽
菲菲profile
年齡：21
身高：5呎2吋
三圍：34、24、34
強項：濕滑石磨