演而優則唱
歌星係咪一定要歌喉好？人氣四仔女星Tall Godness就話畀大家知，只要對唱歌有興趣，同樣可以一圓歌星美夢！呢位早喺98年已經出道嘅四仔女星，當年憑住一把金色秀髮，及一張厚嘴唇，以引人入「性」嘅吹奏工夫，甫出道馬上吸引四仔迷嘅支持，而佢所演出嘅四仔更排山倒海般推出，聲勢可謂一時無兩！
不過，同其他四仔女星一樣，當新鮮感減退時，Tall嘅工作亦大不如前，從當初一年有近百部四仔，到近年只得十幾部，加上其專屬片商着眼其他新進四仔女星，四仔星途已係今非昔比。雖然人氣隨年月推移不斷下滑，但Tall仍然唔甘心就此引退。為咗可以繼續吸引四仔迷嘅注意，佢便諗出一個辦法，就係喺網絡上，推出其演唱嘅歌曲。
Tall就話：「其實我好鍾意唱歌，以前宣傳歌曲就話唔易，但依家只要利用互聯網，便能夠推出我嘅作品，既能提升知名度，又可同四仔迷分享我嘅音樂。不少四仔迷聽過我嘅新歌後，對我嘅歌喉大表欣賞。如果有機會嘅話，希望能夠轉行而成為歌手。」
惹火月曆
四仔女星要自我宣傳，除咗要識得爭寵上位，搶多啲工作嚟做，博多啲曝光機會外，更需要有諗頭，先至可以成功出位。好似長身熟女四仔女星Roxanne Hall咁，佢就諗出利用其天賦本錢，推出其個人惹火月曆，好讓各位粉絲只要一抬頭，就能見到佢惹火無比嘅身體曲線！
可能有四仔迷覺得，呢種性感枱頭月曆唔係乜嘢新鮮事物，以前不少四仔片商，為咗幫旗下四仔女星催谷人氣，都會喺年尾時推出四仔女星月曆。Roxanne梗係冇咁蠢啦！佢亦深知如果推出一般嘅枱頭月曆，勢難引起四仔迷嘅注意，故此佢喺推出枱頭月曆前，已經喺不少雜誌度宣傳，佢所推出嘅枱頭月曆將會採用最新嘅立體科技，身材更會隨着唔同嘅角度，顯示出唔同嘅凹凸感。Roxanne笑道：「對於呢種做法，其實經理人唔係咁贊成，事關呢種月曆造價甚貴，如果冇番一定嘅銷量嘅話，實在難以回本。不過我就唔係咁諗，首先呢種月曆本身已有一定收藏價值，其次就係我從未試過推出寫真，故此我相信呢本枱頭月曆將會引起四仔迷嘅關注。」
純情握手會
惹火女星利用身體作為宣傳嘅伎倆，唔知身材一般嘅青春女星，又會以乜嘢辦法嚟吸引四仔迷嘅目光呢？Fiona Luv就諗到利用佢清純嘅魅力，同粉絲們嚟個親密嘅接觸。唔好諗錯隔籬，以為可以一親佢嘅香澤，所謂嘅親密接觸，只不過係一個簽名握手會而已。雖然如此，但對Fiona嘅粉絲嚟講，呢個已經係一個相當具有吸引力嘅機會。
今年二十歲嘅Fiona，雖然兩年前出道時，曾被指身材一般，尤其係一對車頭燈冇乜睇頭，但Fiona不但不以為然，更憑住佢純情嘅外表，得到少男嘅歡心。不過過咗新鮮期後，Fiona嘅人氣有下滑嘅迹象。有見及此，Fiona早前便舉辦個人簽名握手會，目的在於鞏固自己喺四仔迷心目中嘅地位。Fiona不諱言道：「四仔女星最重要就係講人氣，如果得唔到四仔迷支持嘅話，就算你嘅天賦條件幾咁出色，都難以得到好成績，故此我便舉辦握手會，希望能夠拉近同粉絲嘅距離之餘，仲可以擴大我嘅市場，從而提升人氣。」唔知Fiona呢種做法，可否為佢挽回人氣呢？大家不妨拭目以待！
Roxanne Hall
出生日期：1976年3月17日
身高：5呎9吋
三圍：36C、24、34
Fiona Luv
出生日期：1989年10月23日
身高：5呎5吋
三圍：34B、23、33
Tall Godness
出生日期：1978年6月14日
身高：5呎6吋
三圍：36C、25、36
撰文：阿豪