以前會問「佢會唔會呃我㗎？」呢個問題，通常都係初嘗戀愛滋味嘅少女，但近來竟然變成較多男人發問，呢個世界真係唔同晒。要清楚知道你嘅女朋友會唔會呃你，其實辦法十分簡單，只要玩吓以下嘅心理測驗，就可以馬上知道。
情況：留意你嘅女朋友點樣睇時間，就可以知道佢會唔會呃你。
選擇：
1. 看手錶
2. 看手機
3. 看周圍
解釋：
1. 呃你指數：30%
如果女生用手錶嚟睇時間，即係佢十分念舊，對傳統觀念非常重視，做人好有原則，但性格有點霸道。正因如此，佢對你會不離不棄，做得你女朋友就做一世，絕對打風都打唔甩，除非你自己先變心，咁就冇嘢好講。
2. 呃你指數：60%
佢對新事物非常敏感，而且喜歡物盡其用，比較功利。遇上有本事嘅男人，就會雙眼發光，更加會不惜採取主動，但當有朝一日，佢覺得你一無是處，咁想佢留喺你身邊都好難，唯一辦法係喺佢面前表現出你嘅價值。
3. 呃你指數：90%
如果佢係四圍望搵鐘睇，甚至問陌生人幾點，代表性格外向，冇人生目標，做人過得一日得一日，只要你有利用價值，佢就會利用到你盡，但絕對唔會係認真。如果你女友係咁，建議你打定輸數，快啲搵過第二個啦。
小德