曼谷問題又暫時告一段落，作為半個泰國人嘅刮王，當然好希望以後唔會再有事，但係話時話，早排大家喺電視度見到情況好惡劣，事實上當地人係非常擔心，因為呢一類嘅事情已經發生咗好幾次，對於旅遊業都有好大影響。
刮王喺打得最激嗰晚，就去咗一間較為遠離曼谷市中心嘅夜總會探幾位小姐，就當晚所見，唔少小姐同員工都放低晒手頭上嘅工作，大家坐埋喺度BBQ同吹水。表面睇呢班人就好似成班朋友聚會咁款，但其實係因為無生意，其中小姐Kern同我講，兩個星期前客人又開始減少，因為市中心又打起上嚟，所以好多遊客都唔嚟玩，好似佢哋間場咁，由於屬市郊地區面積較大，平時有好多外國遊客嚟呢度搵小姐玩，齊齊BBQ同喺室外聽住樂隊唱歌，玩到夠就直接上房，但係當時在場嘅客人就唔夠二十個，所以佢哋成班同事就索性坐埋睇吓最新情況。
刮王有唔少朋友平時都去開曼谷玩，但因為近年發生咁多問題，所以佢哋好多都轉陣去越南同柬埔寨玩，雖然各項條件都唔及泰國，但係朋友們都話最重要係安全，所以轉陣都無辦法。睇嚟當局真係要搞番好曼谷嘅情況，如果唔係，真係旅遊業都保唔住呀！
刮王