本文重點
愛情其實同足球博彩差唔多，就算你明知呢隊波有幾勁，之前幫你贏咗幾多錢都好，千祈唔好全情投入，將所有本錢放晒落去，因為就算好似曼聯呢種強隊都好，一樣有輸波嘅可能！就好似愛人總有可能會離你而去一樣！幸好，本錢可以再搵，愛人亦同樣可以在人海中再次尋覓。然而，受情傷之後又要幾多時間先可以復原呢？
問題：於一個家庭當中，你希望扮演邊一種角色呢？
A. 早出晚歸嘅忙碌爸爸
B. 負責做家務嘅爸爸
C. 無所事事嘅爸爸
答案分析：
A. 愈戰愈勇
你嘅鬥心非常之強，任何困難都可以憑堅強意志度過！雖然愛情創傷對你亦有一定打擊，但你會吸收教訓，下一次唔會再犯同樣錯誤。你一旦受到情傷，最多只會失落一兩日，已經可以重新做人。
B. 難以自拔
你個人太理想化，令你認為每段感情都可以天長地久，所以會將所有心機投放於感情之上。正因為咁，分手會令你痛不欲生，更加不斷妄想可以復合。所謂勉強冇幸福，疊埋心水搵第二個好過啦！
C. 自我中心
你為人非常理智，即使有異性可以令你意亂情迷，依然可以保持清醒。當你發覺一段感情冇結果嘅時候，會主動放棄，另覓一個更好嘅對象，所以情傷對你嚟講簡直唔係一回事，係金剛不壞之身。
賢