本文重點
所謂一樣米養百樣人，每個人嘅戀愛方式都有所不同，而每種戀愛方式都有利有弊。不過，有好多朋友總唔知道自己有咩缺點，搞到與愛侶唔能夠天長地久，最終分手收場。如果要知道自己嘅戀愛方式有何利弊，就請回答以下問題，再睇吓答案分析喇！
問題：你經過一間士多，想買杯雪糕消暑，你會選擇邊一種口味嘅雪糕呢？
A. 咖啡味
B. 朱古力味
C. 雲呢拿味
答案分析：
A. 令人窒息
你對自己充滿自信，每一件事都相當認真，永遠扮演強者嘅角色。不過，你嚴謹嘅個性往往令身邊人感受無比壓力，甚至有窒息嘅感覺，長久落去，只會令愛侶變成你嘅奴隸，感情生活變質。你應該學懂放鬆同培養幽默感。
B. 愛情獵人
你係一個主動熱情嘅人，鍾意四處結交朋友，溝女對你嚟講可謂相當容易，不過你份人三分鐘熱度，唔使幾耐就覺得厭倦，繼而再次四出狩獵新對象。了解一個女仔又豈是一朝一夕嘅事呢？應該用多啲時間發掘內在美。
C. 平淡如水
你待人親切有禮，忠誠可靠，對愛侶更加係千依百順，照顧周到，可惜缺乏激情，愛侶性格同你一樣就當然相安無事啦！否則就必然出事！所以，你應該多啲同愛侶搞啲有趣嘅玩意，例如係攀石、滑水等，令生活更精彩！
賢