為男友戒為食
Rose同阿You都係嚟自澳門打×2浴室嘅技師，Rose今年19歲，真係青春無敵，而且笑容親切，同佢傾偈，好容易畀佢嘅笑容迷住；至於阿You今年21歲，身材出眾，雖然個子生得細粒啲，但講嘢時嗲聲嗲氣，雙眼仲識放電，少啲定力都畀佢電親。先問一下Rose佢有幾鍾意食零食，Rose話：「我絕對係一個零食狂，細個喺鄉下嘅時候，餐餐都唔食飯，就係掛住食零食，由於鄉下喺山區裏面，所以資源冇咁豐富，零食嘅選擇唔係咁多，記得當時只係食餅乾同糕點，但已經好開心。後來初中去咗城巿讀書，由於冇家人管住，我就將食飯嘅錢，攞晒嚟買零食，由於唔食正餐，所以冇乜營養，搞到當時身體好差，但見到各式各樣嘅零食，我真係抵受唔住誘惑，每次家人寄錢嚟，我就會攞晒去買零食。」一啲營養都冇，咁點得㗎？Rose話：「我仲生存到，全靠每日喺學校食中午飯，就係咁過咗兩年，後來因為要識男仔，所以決定戒咗零食當飯嘅習慣，三餐正常進食，希望自己吸收多啲營養，目的係希望可以生得高啲、靚啲、同埋大啲。」
朱古力誘惑
咁呢幾年真係一啲零食都冇食？Rose：「咁又唔係，只係食少咗，三餐之外，口痕嘅時候咪食啲囉！」付出咁多代價，最後有冇識到男朋友呢？
Rose話：「要到高中第二年嘅時候，先至識到初戀嘅男朋友，但最開心嘅並唔係識到佢。」咁係乜嘢呀？Rose話：「就係我真係高咗、靚咗同埋身材好咗！」咁今時今日仲會唔會食零食呢？Rose一笑：「都會㗎！冇嘢做喺休息室一定大包小包咁食，有客人嘅時候就會食吓喉糖或者香口膠。」咁鍾意食零食嘅囡囡，真係少見。
至於另一位靚女技師阿You，佢話自己細個嘅時候唔鍾意食零食，因為當時選擇唔多，所以對零食冇乜嘢興趣，到出嚟工作之後，喺大型超巿裏面見到嚟自世界各哋嘅零食，令佢難以抗拒誘惑，其中朱古力同埋薯片，更加係佢嘅至愛選擇。阿You話：「我記得第一次食朱古力，係我十八歲啱啱出嚟打工嗰一年，起初見佢黑黝黝，一啲都唔吸引，但食過一次之後，就發覺佢好好食，而且當你唔開心嘅時候，食啲朱古力會令心情變好，所以我每一次失戀，都會買幾盒朱古力返去食。」
親熱仲掛住食
阿You繼續：「至於薯片就更神奇，薯仔喺老家時日日都食，但點煮都冇薯片咁好食，而且近年啲薯片嘅味道，更加係五花八門，每款味道都咁吸引我，令我對薯仔改觀，明白原來做薯仔定係做人，只要改變一下，就能出現唔同嘅效果。」
阿You咁鍾意食零食，咁有冇為咗食零食而搞出笑話呢？阿You話：「以前試過一邊同男朋友親熱，一邊食薯片，除咗搞到張床全部都係薯片碎之外，當同佢激吻時，仲搞到佢一口都係薯片，男朋友見狀馬上叫停，叫我食完至好同佢親熱。」
咁阿You會唔會咁樣對客人㗎？阿You話：「一定唔會，因為公司有規定工作時唔可以食零食，但有時忍唔住口，我都會袋幾粒朱古力喺身，但我唔會獨食，通常都會請客人一齊食，但好多客人都唔要，最後都係我一個人食晒。」
最後問阿You咁鍾意食零食，將來會唔會開間舖仔賣零食呢？阿You話：「我嘅計劃就係開一間零食店，除咗現場有零食賣之外，仲可以網上訂貨，方便大家！」食零食仲食出商機，真係唔佩服阿You都唔得。
撰文：小德