阿莊經營嘅二手車店，面對經濟不景氣，生意每況愈下，阿莊於是日日長吁短嘆，唔止變得失去自信，連雄風都失去埋，老婆珍妮整多多補品都唔能夠令阿莊回復當年之勇，於是珍妮另想辦法。
某日，珍妮去阿莊嘅公司巡視一下，之後就同阿莊打賭，話三個月內有本事令公司生意起死回生，但要阿莊信任佢，期間公司發生任何事，阿莊都要不聞不問，阿莊為咗公司無奈答應，於是日日喺屋企，就係咁過咗兩個月。
阿莊喺屋企突然收到一個電話，原來係佢老友法迪打嚟，法迪話：「你公司推廣嘅新手法認真一絕。」阿莊唔明問：「乜嘢新手法？」法迪話：「咪係性感女郎陪你車震真體驗囉！當日就由一個年約三十歲嘅金髮尤物嚟陪我車震，效果真係好激。」阿莊大吃一驚，心諗珍妮會唔會真係為咗公司，而同啲男人玩車震呢？阿莊愈諗愈驚，但又唔好意思開口，晚上珍妮回來，阿莊突然表現男兒本色，希望喺床上證明，呢個女人係屬於自己嘅，兩人展開連場大戰，竟然直至天光。
阿莊對珍妮嘅懷疑一掃而空，於是多口問，公司最近點樣呀？珍妮就話生意好到不得了，自從搞咗個車震體驗後，積存嘅車都賣晒，阿莊大驚，原來車震係真㗎！珍妮知道阿莊呷醋，於是告之負責車震嘅係佢請返嚟嘅囡囡。珍妮話：「由於巿道唔好，好多囡囡冇生意，家陣只要象徵式同個男人車震一下，叫兩聲，等啲男人覺得架車紮實買車，我就畀佣金佢哋。另外，諗車震條橋，除咗為咗你間車行之外，仲係為咗你。」珍妮講出當日佢為咗公司搞到連性生活都提不起勁，於是珍妮諗出呢條橋，等阿莊知道後緊張珍妮，用醋意令阿莊回復昔日雄風，阿莊明白珍妮用心良苦，令佢事業脫離危機，仲令阿莊回復昔日雄心，忍唔住再次相擁，繼續大戰。
小德