積極爽快
一直以嚟，只有聽到女士們投訴男友床上持久力不足，甚少聽到佢哋鍾意男士們曳曳要快。不過早前兩位靚女卻表示，如果畀佢哋揀男友嘅話，卻會首選「快男」，因而令不少水着迷產生疑惑，懷疑兩位靚女天生敏感，好快便能夠得到高潮。兩位靚女聞言，馬上嗲道：「梗係唔係啦！我哋所講嘅『快男』，並非指床上快槍手，而係性格爽快，曳曳主動又積極嘅男士。」
點解呢種「快男」如此吸引佢哋呢？佐渡妹笑道：「可能因為我性格唔識得轉彎抹角關係，所以最怕遇到嗰啲做事閃閃縮縮，處事優柔寡斷嘅男人。平時見到呢種男人時，我會避之則吉，費事激起我把火。」聽佐渡妹嘅話，莫非佢曾經被呢啲「慢男」追求過？佐渡妹就話：「話說以前曾經有呢類型嘅男士暗戀我，本來我對佢嘅外表甚有興趣，諗住當佢前來表白，便會馬上應承。點知暗示咗幾次後，佢仍然唔敢表白，真係激死人！自此以後，我就好抗拒呢種男士嘅追求。」
跨越雷池
中村妹聽到佐渡妹如此氣憤嘅話後，就不斷點頭。莫非佢有同樣嘅體會？中村妹就話：「其實我同里香嘅性格差唔多，都係屬於直來直往嘅人，否則我哋就做唔到好姊妹啦！因此，我對做嘢慢一拍嘅『慢男』特別反感。記得以前試過同一個『慢男』拍拖，任何親密嘅舉動都做過，只差喺床上曳曳。點知當我哋有機會共處一室，以為可以進行最後嘅接觸時，佢竟然唔敢主動埋身，仲暗示我做主動，搞到我乜嘢性趣都冇晒。」講咗咁耐「慢男」嘅缺點，係時候講番「快男」嘅優點。唔知中村妹認為同「快男」相處，又有乜嘢好處呢？中村妹笑道：「『快男』嘅優點就係凡事都會非常主動，尤其係同你相處嘅時候，每事都會行快一步，譬如有時工作到半夜，佢會自動自覺去接你，而當你肚餓嘅時候，佢更會主動買飯畀你食。不但唔會讓你操心，亦會體貼你嘅需要。故此，同呢啲男士相處感覺相當愉快。」
床上積極
唔知除咗照顧周到外，「快男」嘅床上表現又會如何呢？佐渡妹表示：「呢類嘅男士最好嘅地方，就係態度非常積極。往往未開口，佢已經直接提出曳曳嘅要求。你知啦！女仔主動開口曳曳，感覺好古怪，而『快男』絕對唔會有咁嘅問題出現。此外，佢喺曳曳嘅時候亦唔會歎慢板，搞咗一大輪仍然處於前戲階段。其實不少男士都有誤解，以為女士們都要起碼十幾分鐘嘅前戲，先至可以進入狀態，而呢個只不過係男士們嘅錯覺而已。就以我為例，只要五分鐘左右嘅前戲，已經可以令我興奮非常，如果再加上一啲情趣玩意嘅話，燃起情慾嘅時間仲會更短添！假如對方歎慢板嘅話，相信未到接戰時，我已經瞓着咗。」中村妹點頭道：「故此，我同佐渡妹一樣，最怕就係做嘢慢嘅男士，反而爽爽快快，幾個激吻，便進入正題嘅男士，最啱好似我呢種搶韁嘅女仔。另一方面，同『快男』曳曳其實仲有一個好處，就係可以縮短作戰嘅時間，咁一晚就可以曳曳多幾次，到時就唔怕我到喉唔到肺囉！」
撰文：阿豪