經濟不景除咗對金融業打擊極大之外，飲食業、零售業等等嘅消費業界亦受到嚴重影響，所以有飲食業人士推出一蚊雞救市活動，提供一蚊一隻雞、一蚊一斤白灼蝦等優惠以吸引食客。
對於男士呢個的確係好消息！因為咁樣唔單止令大家同女友食飯之時慳番一筆，亦可以令大家可以食多啲蝦！蝦肉營養豐富，含有大量蛋白質、維他命A、B1、B2、鈣、磷、鐵、鋅、碘等等營養素，蛋白質對於補充體力有幫助，而鋅同碘則可以增強生理機能！遠至加勒比海嘅人都視蝦為催情食物，食咗仲可以令快感加倍添！
當然，我國對蝦嘅益處亦給予肯定嘅評價，中醫認為蝦味鹹、性溫，具有補腎、補精、壯陽、益氣、開胃嘅功效。民間仲有一道食療方以韭菜花炒蝦仁，相傳對陽痿有改善作用。所以，一蚊一斤蝦真係益食客又益男人呀！
賢