本文重點
唔知大家有冇遇到，一啲樣唔係靚，而身材更非吸引，但身邊卻有不少蜜蜂圍繞嘅女生呢？呢種女生之所以如此吸引，部分係因為佢哋識得利用雙眼放電，電到身邊男性暈頭轉向。如果想知自己有否呢種吸引異性嘅絕技，就要玩吓下面嘅心理測驗喇！
問題：一早起身，你會煮以下邊種雞蛋料理做早餐呢？
A. 荷包蛋 B. 蒸水蛋 C. 烚蛋
答案分析：
A. 善布陷阱
你雙眼電力十足，平時卻唔會胡亂放電。不過假如有人蓄意挑釁嘅話，你必定樂於奉陪。你清楚點樣迷惑他人，善於布置情感陷阱，等獵物自投羅網，任何男士畀你電一電，即時自願成為你嘅裙下之臣，可謂係情場上嘅絕世高手！
B. 小心翼翼
對於感情，你會小心翼翼，事關你嘅面皮薄，擔心不慎會喺人哋面前展現出急色一面，不但將心儀對象嚇走，更會喺其他人心目中，留下唔好嘅印象，同異性相處便會顯得收斂。故此，講到放電電暈異性，絕對唔會發生喺你身上。
C. 自動釋放
性格爽直嘅你，不屑利用手段嚟吸引異性，更唔鍾意用手段嚟吸引對方嘅目光。另一方面，你相信緣分天注定，假如對方係你嘅真命天子，就一定感受到傳遞出嚟嘅愛嘅訊息，自動埋你身邊。因此，你嘅放電指數只係屬於中等。
阿豪