學做體貼女人
23歲嘅Lindsay Marie，加入美國成人影業已有兩年，對於自己喺電影入面嘅演出，佢會畀自己一百分，但講到冧仔，佢只會畀自己五十分，究竟點解呢？Lindsay話：「演出之前，我會熟讀劇本，到正式拍攝嗰陣，我亦會依足導演嘅指示去做，所以我會畀自己一百分。不過，講到溝仔就唔同，唔知點解，每次面對鍾意嘅男人，我都唔敢表達自己嘅情感，卒之白白浪費咗幾段大好姻緣。」
其實以Lindsay呢種咁好條件嘅女仔，想識男仔可以話易如反掌，使乜咁愁呀？佢話：「識男仔唔係問題，但好多時啲人只係為咗同我上床，如果要搵一夜情對手，當然冇難度，但有時真係好想搵番一個知心男友，享受一下戀愛，可惜至今依然未能成事。」Lindsay又話，明白好多男人都鍾意女人好似小鳥依人咁款，無論床上床下都照顧周到，所以佢會畀心機學做一個溫柔體貼嘅女人。
搵藉口送秋波
講到冧仔，Presley Maddox就最耍家，除咗間中煮番兩味，氹吓男友開心，仲懂得向對方施展冧功，好似請食波餅就係佢其中一樣必殺技。佢話：「呢招唔係任何時候都work，只有喺適當嘅時候，我先會使出嚟，加上我甜美嘅聲線，大部分男士都會即刻暈晒大浪。」
能夠食到佢嘅波餅梗係冧到暈啦！咁點解要搵適當時機呢？佢解釋：「係咪都投懷送抱，只會令男人覺得我發姣，但係適當嘅時候先至益吓佢，就會事半功倍。」又好似講得幾有道理喎！但係點樣先至算適當嘅時機呢？Presley鬼馬咁話：「當兩細細聲同佢傾偈， 對方聽唔清楚我講乜嘢嗰時，就自然會挨埋嚟，嗰時送個波餅畀佢，既自然又唔造作，男人又受落，一舉三得！」Presley咁識得冧男人，難怪佢不愁寂寞喇！
床上欲拒還迎
除咗向男士大送秋波之外，唔知索女仲有乜嘢招數，可以令佢哋成為裙下之臣呢？Presley就話：「想男人對你死心塌地，我覺得女人要識得欲拒還迎，千祈唔好咁輕易就答應男人嘅性要求，否則就會好易出事，好似我以前拍拖，每當男友想曳曳，我都會答應，從來唔會拒絕，結果不出三個月，已經變得毫無樂趣，乜嘢招式都玩厭晒，結果亦係呢個原因而分手。呢件事令我明白到，當女人好似小綿羊咁聽話，男人就會覺得毫無挑戰性，好快就會覺得冇晒新鮮感，甚至產生厭倦感覺，所以兩人關係都唔會長久。」
對於Presley嘅講法，Lindsay都相當有同感。佢話：「識得間中拒絕男人要求，確實非常重要，情況就好似釣魚咁，當有魚上釣時，若然不斷拉扯魚絲，隨時會扯斷之餘，仲會連條魚都走埋。相反，以一收一放嘅方式去對付，效果可能更好。而對待男人亦一樣，唔好咁輕易畀佢哋得手，等佢哋吊癮，唔會咁易生厭之餘，仲可以令關係歷久常新添！」兩位索女確實言之有理，之不過唔知各位男士又可唔可以忍得住呢？
Presley Maddox Profile
出生日期：1986年5月11日
三圍：34、25、35
身高：5呎4吋
Lindsay Marie Profile
出生日期：1986年4月28日
三 圍：34、25、33
身 高：5呎5吋
撰文：娟娟