問：小弟叫Joe，本身有陽痿，經常腰痠、腳軟，而且特別怕冷，莫講出入較凍嘅冷氣房，連開風扇都有啲頂唔順，真係非常辛苦。我知道呢個情況與腎虧有關，但係又唔知食啲乜嘢好，只希望能夠唔再畏冷，當然，若然有方法可以令我唔畏冷之餘，仲能夠重振雄風就最好不過啦！請指點一下。
答：如早上瞓醒仍能夠勃起，唯獨喺性交時一接觸對方，敏感部位先至「發軟蹄」，呢個情況可以歸類於功能性陽痿，相對其他陽痿症而言比較易於醫治，只要搵醫生找出原因，再對症下藥，可以很快康復。而就醫之外，食用合適既食療亦有一定幫助。
就Joe嘅情況而言，陽痿而怕冷屬腎陽虛弱，所以食療方面需以補腎陽為主，可以用上壯補食品，以達致溫腎壯陽之效。鹿肉、羊肉、蝦肉、雀肉都具有溫腎壯陽功效，不妨一試。另外，亦可以飲用以人參、杞子、淮山、肉蓯蓉浸製嘅藥材酒，持之以恒，相信有一定幫助。
娟娟