制服呢吓嘢，對於好多男人嚟講都相當吸引，而有易服癖嘅，見到呢一類女仔就好似貓遇上魚一樣，而得即刻食佢落肚。曼谷夜場周不時都會搞呢一類制服騷，等客人喺揀小姐嘅時候更投入。近日刮王去過一間場，入面嘅小姐樣貌一般，但係望起上嚟總係特別養眼，因為佢哋嘅一套制服似足空姐咁款，一望埋去就令人充滿遐想。對於好此道者就最開心不過，因為帶住呢類小姐入房，大戰肯定一觸即發。
夜場經理同刮王講，原來佢哋呢套衫嘅質料相當差，用料更千祈唔好堅韌，當佢哋搵做衫嘅工廠時，講到明最好係易爛易碎嘅布質，係唔係為慳錢？呢個係其中一個原因，理由相信大家都諗到，因為小姐同客人入房之後，呢套衫有九成機會化為烏有，上下身都好大機會被扯爛，原因相信大家都明白。呢種做法都可以話係一舉兩得，首先係可以滿足客人嘅要求，其次又可以用最平嘅價錢去搵制服畀小姐着。經理臨尾講個數字畀刮王聽，佢哋全場有五十位小姐，每人都預備咗兩套制服，即係總共一百套；講緊呢一百套制服預計只係夠一個星期用，咁一個月即係要準備四百套。但係成本只係約二百銖一套，大約港幣五十蚊就搞掂，咁你話係唔係好抵？扯爛之後仲可以當地布用添！
刮王