又 一 次 證 明 ， 高 人 一 等 係 數 ！ 身 高 七 呎 六 吋 「 小 巨 人 」 姚 明 ， 尋 日 面 對 正 選 陣 容 最 高 只 有 六 呎 九 吋 熱 火 球 員 ， 可 謂 完 全 恰 死 對 手 ， 姚 明 全 場 十 二 射 全 中 ， 命 中 率 達 百 分 百 ， 帶 領 火 箭 以 九 十 三 比 八 十 六 擊 敗 熱 火 。 最 值 得 驕 傲 係 火 箭 冇 麥 基 迪 及 阿 堤 斯 之 下 ， 照 樣 贏 波 ！

十 二 投 全 中 破 火 箭 紀 錄
火 箭 今 場 續 有 麥 基 迪 及 阿 堤 斯 因 傷 缺 陣 ， 不 過 仲 有 中 鋒 姚 明 ， 面 對 身 材 較 矮 熱 火 ， 可 謂 開 正 佢 瓣 。 今 場 熱 火 正 選 陣 容 中 ， 最 高 只 有 六 呎 九 吋 祖 爾 安 東 尼 ， 佢 本 身 已 經 唔 算 高 ， 何 況 要 面 對 身 高 達 到 七 呎 六 吋 姚 明 ， 試 問 點 頂 得 住 「 小 巨 人 」 呢 ？ 姚 明 今 場 主 宰 賽 事 ， 全 場 十 二 投 十 二 中 ， 打 破 名 將 美 利 韋 達 七 六 年 對 鷹 隊 做 出 十 射 十 中 舊 火 箭 紀 錄 。 而 「 小 巨 人 」 今 場 唯 一 失 手 ， 就 係 罰 球 線 上 ， 三 射 兩 中 ， 結 果 全 場 獲 得 廿 六 分 。

今 場 攻 入 全 場 最 高 廿 九 分 熱 火 主 將 韋 迪 ， 亦 輸 得 心 服 口 服 ： 「 姚 明 實 在 太 巨 型 ， 我 根 本 防 唔 住 佢 。 」 而 姚 明 亦 指 出 ， 今 場 打 得 咁 輕 鬆 ， 都 係 多 得 對 手 唔 算 高 ， 等 佢 有 好 多 空 位 進 攻 。 至 於 火 箭 另 一 位 贏 波 功 臣 係 後 艾 斯 頓 ， 佢 貢 獻 廿 二 分 ， T-Mac 麥 基 迪 缺 陣 期 間 ， 遠 射 就 靠 晒 佢 。