樂 壇 最 後 一 張 成 績 表 — — 「 第 三 十 一 屆 十 大 中 文 金 曲 」 昨 晚 頒 發 ， 陳 奕 迅 （ Eason ） 和 容 祖 兒 囊 括 全 部 歌 手 獎 ， 各 獲 五 獎 封 獎 王 獎 后 ； 而 謝 安 琪 （ Kay ） 在 四 台 狂 掃 十 七 獎 撼 低 上 屆 得 主 陳 奕 迅 （ Eason ） 首 奪 「 傳 媒 大 獎 」 。

祖 兒 昨 晚 狂 掃 五 獎 ， 除 獲 一 首 金 曲 獎 外 ， 全 部 女 歌 手 獎 都 是 她 的 囊 中 物 ， 包 括 ： 「 全 國 最 佳 女 歌 手 獎 」 、 「 全 年 最 高 銷 量 女 歌 手 大 獎 」 、 「 最 優 秀 流 行 女 歌 手 大 獎 」 等 ， 成 為 獎 后 盡 領 風 騷 ， 祖 兒 更 成 為 「 最 優 秀 流 行 歌 手 大 獎 」 五 連 霸 ， 她 激 動 說 ： 「 有 好 多 迷 失 時 候 ， 對 自 己 要 求 好 高 ， 冇 乜 信 心 ， 上 年 克 服 呢 個 缺 點 ， 對 自 己 有 更 多 信 心 做 工 作 。 」

友 好 行 動 粉 碎 不 和
祖 兒 獲 金 曲 時 ， 由 楊 千 嬅 和 Kay 負 責 揭 曉 ， 三 女 同 台 卻 表 現 友 好 錫 面 道 賀 ， Kay 獲 獎 時 ， 祖 兒 亦 握 手 祝 賀 ， 當 司 儀 嘲 Kay 是 「 康 復 爆 肺 病 人 」 ， 千 嬅 即 撐 ： 「 真 係 大 吉 利 是 。 」 至 於 出 道 三 年 半 的 Kay 昨 晚 獲 得 四 獎 ， 包 括 首 奪 「 傳 媒 大 獎 」 ， 她 眼 濕 濕 說 ： 「 好 開 心 ， 心 目 中 呢 個 獎 好 重 要 ， 好 難 想 像 到 。 （ 擊 倒 Eason ？ ） 唔 好 咁 講 ， 多 謝 傳 媒 支 持 。 」 不 過 Kay 演 唱 時 卻 兩 度 走 音 。

男 歌 手 方 面 ， 昨 晚 Eason 掃 五 獎 成 獎 王 ， 包 括 ： 「 全 國 最 佳 男 歌 手 獎 」 、 「 全 年 最 高 銷 量 男 歌 手 大 獎 」 、 「 最 優 秀 流 行 男 歌 手 大 獎 」 等 ， 在 四 台 共 獲 十 五 獎 ， 以 些 微 之 差 敗 給 Kay ， 而 古 巨 基 和 張 敬 軒 各 獲 兩 獎 ， 李 克 勤 就 僅 得 一 獎 。

雖 然 賽 果 塵 埃 落 定 ， 但 部 分 獎 項 出 人 意 表 ， 包 括 陳 柏 宇 《 I Miss You 》 爆 冷 獲 金 曲 ， 由 於 他 為 港 台 做 網 上 節 目 ， 予 人 造 馬 之 嫌 ， 而 EO2 撼 低 Kay 奪 得 「 全 年 最 佳 進 步 獎 」 ， 更 令 人 大 出 意 外 ； 至 於 「 優 秀 流 行 國 語 歌 曲 獎 」 更 鬧 雙 胞 ， 由 Eason 《 路 … 一 直 都 在 》 和 泳 兒 《 喜 歡 一 個 人 好 累 》 瓜 分 ， 大 會 總 監 馮 偉 棠 解 釋 是 同 分 之 故 。

克 勤 阿 詩 no show
昨 晚 多 位 歌 手 缺 席 ， 包 括 年 年 例 牌 出 席 的 李 克 勤 ， 昨 晚 連 十 大 金 曲 都 得 不 到 一 首 ， 竟 然 輸 給 陳 柏 宇 、 農 夫 等 後 輩 ， 難 怪 克 勤 加 入 「 杯 葛 」 行 列 ， 大 會 解 釋 克 勤 因 忙 綵 排 演 唱 會 缺 席 。 至 於 與 港 台 不 和 的 何 韻 詩 繼 續 杯 葛 ， 結 果 「 莊 」 捧 蛋 ， 東 亞 為 撐 阿 詩 ， 只 派 A Music 的 千 嬅 和 CMD 的 農 夫 出 席 ， 獲 「 優 秀 流 行 歌 手 」 的 王 菀 之 有 獎 都 冇 到 ， 完 全 冇 面 畀 ， 司 儀 梁 思 浩 單 打 阿 詩 冇 到 ， 貴 花 田 說 ： 「 佢 紅 梗 係 唔 得 閒 ， 不 過 有 唔 紅 都 唔 得 閒 。 」 似 乎 暗 寸 王 菀 之 。

文 ： 音 樂 組