金 融 海 嘯 鋪 天 蓋 地 咁 過 ， 連 藍 籌 公 司 都 甩 皮 甩 骨 ， 中 小 企 業 就 更 唔 使 講 。 煲 呔 曾 政 府 德 政 之 下 ， 通 脹 高 企 、 成 本 上 升 、 市 場 萎 縮 、 信 貸 緊 縮 、 經 營 環 境 惡 化 ， 中 小 企 業 本 來 就 冇 啖 好 食 ， 依 家 更 係 分 分 鐘 會 摺 埋 。 功 夫 茶 唔 係 嚇 你 ， 呢 ， 今 個 月 以 ， 全 港 已 經 有 幾 十 間 中 小 企 執 笠 ， 裁 員 減 薪 就 更 加 多 。

中 小 企 環 境 咁 惡 劣 ， 點 講 政 府 都 應 該 做 番 啦 ， 可 惜 煲 呔 曾 唔 知 係 咪 遊 緊 魂 ， 成 份 施 政 報 告 連 「 中 小 企 」 三 個 字 都 冇 出 現 過 ， 更 遑 論 推 出 措 施 為 中 小 企 解 困 。 業 界 狂 轟 政 府 冷 酷 無 情 ， 要 中 小 企 業 自 生 自 滅 。

咁 鬧 一 鬧 ， 政 府 先 至 好 似 醒 咁 ， 日 前 急 急 宣 布 放 寬 中 小 企 信 貸 保 證 計 劃 ， 並 增 加 對 中 小 企 市 場 推 廣 基 金 資 助 。 點 知 業 界 狂 批 ， 話 呢 措 施 到 喉 唔 到 肺 ， 根 本 幫 唔 到 佢 。

於 是 乎 ， 政 府 尋 日 加 碼 ， 推 出 一 系 列 措 施 ， 包 括 由 出 口 信 用 保 險 局 承 保 買 家 不 提 貨 保 險 ， 完 成 申 請 日 期 縮 短 到 四 日 ， 承 諾 唔 增 加 保 費 ， 以 及 免 費 為 中 小 企 評 估 信 貸 風 險 等 等 。

唉 ， 簡 直 係 病 急 亂 投 醫 。 呢 措 施 唔 係 話 唔 好 ， 不 過 ， 眾 所 周 知 ， 家 陣 中 小 企 最 大 問 題 係 銀 行 閂 水 喉 ， 造 成 資 金 周 轉 不 靈 。 政 府 只 可 以 為 信 貸 提 供 擔 保 ， 批 唔 批 貸 款 由 銀 行 決 定 。 即 係 話 ， 如 果 銀 行 唔 開 水 掣 ， 政 府 擔 保 就 變 大 隻 講 。 依 家 咁 環 境 ， 銀 行 又 點 會 咁 容 易 放 水 呀 ？

話 時 話 ， 政 府 做 法 都 幾 絕 ， 好 人 佢 做 ， 銀 行 唔 批 係 銀 行 事 ， 政 府 唔 使 上 身 。 之 不 過 ， 中 小 企 就 畀 佢 害 死 喇 ， 唔 到 貸 款 ， 就 要 等 釘 蓋 。

其 實 ， 一 早 就 有 業 界 人 士 向 政 府 提 議 ， 由 政 府 作 百 分 百 借 貸 擔 保 ， 令 銀 行 有 信 心 向 中 小 企 業 放 貸 。 仲 有 人 提 議 政 府 由 擔 保 人 轉 做 貸 款 人 ， 成 立 一 個 基 金 ， 幫 助 資 金 周 轉 不 靈 中 小 企 業 。 但 係 班 高 官 就 一 味 耍 太 極 ， 推 推 去 就 冇 下 文 。

更 令 人 嘆 為 觀 止 係 ， 家 陣 好 多 中 小 企 業 都 吊 緊 鹽 水 ， 捱 唔 掂 就 玩 完 ， 商 務 及 經 濟 發 展 局 局 長 劉 吳 惠 蘭 尋 日 先 至 話 ， 政 府 會 成 立 一 個 跨 部 門 專 責 小 組 研 究 中 小 企 問 題 ， 推 出 更 全 面 、 積 極 及 針 對 性 措 施 。 大 姐 呀 ， 唔 好 玩 啦 ， 依 家 都 火 燒 眼 眉 ， 先 至 話 成 立 專 責 小 組 ， 研 究 得 ， 蛇 都 死 啦 。

有 乜 計 ， 呢 個 政 府 就 係 咁 弱 智 喇 。 俗 語 有 話 ， 唔 見 棺 材 唔 流 眼 淚 ， 睇 要 等 到 大 批 中 小 企 倒 閉 ， 成 千 上 萬 打 工 仔 失 業 ， 政 府 先 至 識 驚 喇 。 不 過 咁 搞 法 ， 業 界 人 士 同 打 工 仔 就 慘 情 咯 。