老 懵 董 當 年 豪 擲 五 十 億 元 炮 製 副 學 士 ， 推 出 八 年 已 千 瘡 百 孔 ， 淪 為 育 界 爛 尾 樓 ， 怨 聲 載 道 。 香 港 科 技 專 上 書 院 護 理 學 副 學 士 課 程 未 能 通 過 專 業 評 審 ， 更 引 發 軒 然 大 波 ， 立 法 會 尋 日 召 開 特 別 會 議 討 論 ， 議 員 一 致 炮 轟 副 學 士 係 連 串 錯 誤 造 成 糊 塗 帳 ， 玩 殘 學 生 ， 動 議 政 府 成 立 獨 立 調 查 委 員 會 徹 查 事 件 。

計 功 夫 茶 話 齋 ， 成 立 獨 立 調 查 委 員 會 徹 查 事 件 仲 唔 夠 ， 最 緊 要 追 究 責 任 ！ 梗 係 啦 ， 人 大 好 青 年 ， 寒 窗 苦 讀 三 年 ， 交 付 昂 貴 學 費 ， 有 係 借 錢 求 學 ， 成 一 屁 股 債 添 呀 。 好 唔 容 易 捱 到 畢 業 ， 以 為 一 天 都 光 晒 ， 可 以 走 出 學 堂 服 務 社 會 ， 幫 補 父 母 ， 點 知 晴 天 霹 靂 ， 有 關 課 程 未 能 通 過 專 業 資 格 評 審 ， 畢 業 即 告 失 業 。 書 係 白 讀 ， 錢 係 白 交 ， 青 春 虛 擲 ， 慘 情 之 極 ！

事 實 上 ， 科 專 事 件 只 係 冰 山 一 角 ， 副 學 士 每 年 共 有 約 兩 萬 名 額 ， 但 係 銜 接 資 助 大 學 學 額 只 有 三 千 八 百 個 ， 肯 定 有 更 多 人 前 路 茫 茫 。 如 果 有 關 問 題 唔 解 決 ， 仲 有 好 多 人 要 繼 續 跳 落 呢 個 火 坑 呀 ！

冤 有 頭 ， 債 有 主 ， 副 學 士 陷 入 困 境 ， 係 無 能 政 府 一 手 造 成 ！ 當 初 老 懵 董 好 大 喜 功 ， 頭 腦 發 熱 ， 搞 育 八 萬 五 ， 話 要 達 到 六 成 學 生 讀 大 專 目 標 ， 匆 匆 推 出 副 學 士 政 策 ， 遺 禍 至 今 。 老 懵 董 係 始 作 俑 者 ， 成 為 千 夫 所 指 ， 至 今 仍 在 位 好 多 高 官 有 份 參 與 推 銷 有 關 政 策 ， 係 咪 都 要 負 上 責 任 呢 ？

煲 呔 曾 政 府 同 樣 難 辭 其 咎 。 以 科 專 為 例 ， ○ 五 年 先 開 辦 護 理 學 副 學 士 課 程 ， 雖 然 未 通 過 護 士 管 理 局 審 批 ， 政 府 竟 然 一 聲 不 吭 ， 默 許 學 校 招 生 ， 校 方 咪 以 為 政 府 支 持 佢 囉 ！ 有 議 員 踢 爆 ， 護 士 管 理 局 兩 次 拒 絕 科 專 課 程 評 審 ， 唔 知 點 解 ， 當 局 冇 對 外 公 布 ， 學 生 被 蒙 在 鼓 ， 以 致 受 害 者 愈 來 愈 多 ！

醫 管 局 仲 衰 ， 明 知 科 專 唔 夠 資 格 ， 竟 然 同 校 方 合 辦 課 程 ， 態 度 極 其 曖 昧 ， 誤 導 市 民 ！ 本 來 ， 學 生 同 埋 家 長 對 副 學 士 將 信 將 疑 ， 但 係 睇 到 政 府 大 力 推 動 ， 又 有 醫 管 局 呢 塊 金 漆 招 牌 ， 先 至 放 心 報 讀 。 事 後 ， 局 方 仲 狡 辯 ， 合 辦 課 程 同 專 業 資 格 承 認 係 兩 回 事 咁 話 喎 ！

副 學 士 政 策 實 在 禍 港 殃 民 ， 劣 評 如 潮 ， 要 求 結 束 呢 項 弊 政 呼 聲 強 烈 ， 應 該 係 到 作 一 了 斷 時 候 ！

育 局 局 長 孫 明 揚 早 前 發 表 副 學 士 學 位 課 程 檢 討 報 告 ， 宣 布 多 項 措 施 ， 再 掟 入 近 二 十 億 元 用 以 改 善 副 學 士 課 程 質 量 同 認 受 性 ， 包 括 鼓 勵 有 關 院 校 升 格 為 私 立 大 學 ， 以 擴 大 升 學 銜 接 學 額 。 一 方 面 承 認 好 多 院 校 連 培 養 副 學 士 都 仲 未 夠 資 格 ， 一 方 面 又 逼 住 人 大 躍 進 ， 升 格 為 大 學 ， 自 相 矛 盾 ， 如 此 拔 苗 助 長 ， 豈 非 又 係 誤 人 子 弟 ！

好 心 當 局 收 拾 好 副 學 士 爛 攤 子 先 啦 ， 咁 急 住 搞 乜 私 立 大 學 ， 仲 嫌 玩 人 唔 夠 ， 想 搞 多 鑊 育 八 萬 五 咩 ！