潮 流 興 「 忽 然 」 ， 有 忽 然 愛 國 、 忽 然 民 主 、 忽 然 民 生 。 不 過 ， 最 新 發 明 係 「 忽 然 同 情 」 。 邊 個 咁 玩 法 呀 ？ 咪 就 係 個 醫 管 局 囉 。

公 立 醫 院 涉 嫌 於 三 十 一 年 前 調 錯 嬰 兒 事 件 曝 光 後 ， 醫 管 局 習 慣 性 側 側 膊 ， 事 主 阿 賢 想 請 佢 幫 手 搵 番 親 生 父 母 ， 但 係 醫 管 局 就 諸 多 推 搪 ， 仲 呃 神 騙 鬼 ， 話 醫 院 資 料 只 保 存 二 十 一 年 咁 話 ， 涼 薄 到 極 點 。 賢 仔 直 斥 ： 「 我 畀 人 調 亂 ， 即 係 一 定 有 第 二 個 ， 甚 至 有 更 多 ， 但 係 醫 管 局 之 前 就 死 都 唔 肯 認 錯 ， 完 全 後 知 後 覺 。 」

點 知 近 日 醫 管 局 忽 然 轉 性 ， 法 醫 證 實 賢 仔 唔 係 依 家 父 母 所 生 ， 又 有 同 日 出 生 人 肯 出 驗 Ｄ Ｎ Ａ 時 候 ， 醫 管 局 態 度 一 百 八 十 度 轉 變 ， 話 準 備 搵 番 同 阿 賢 同 一 日 間 醫 院 出 世 一 百 零 七 個 男 嬰 ， 仲 要 全 部 驗 Ｄ Ｎ Ａ 。 百 幾 人 ， 到 時 唔 知 會 驗 出 幾 多 個 錯 配 個 案 ？ 話 唔 定 某 富 豪 個 仔 原 來 係 牛 頭 角 順 嫂 生 ， 又 可 能 有 位 維 園 阿 伯 個 仔 Ｄ Ｎ Ａ 同 乜 乜 政 府 高 官 相 符 ， 香 港 社 會 到 時 咪 要 大 兜 亂 ？ 嘩 ！ 夠 刺 激 囉 ！

不 過 ， 功 夫 茶 覺 得 ， 淨 係 驗 一 間 醫 院 出 世 細 路 Ｄ Ｎ Ａ 係 唔 夠 ， 好 唔 公 平 ， 會 令 好 多 人 失 去 一 夜 改 變 命 運 機 會 。 你 諗 ， 呢 間 醫 院 會 撈 亂 Ｂ Ｂ ， 唔 通 第 二 間 醫 院 唔 會 撈 亂 ？

特 別 係 醫 管 局 成 立 以 後 ， 管 理 一 塌 糊 塗 ， 公 立 醫 院 亂 晒 大 龍 ， 乜 怪 事 都 有 。 割 子 宮 連 輸 卵 管 同 卵 巢 都 割 埋 ； 打 靜 脈 針 打 落 脊 髓 ， 將 病 人 監 生 打 死 。 醫 生 係 咁 ， 護 士 又 係 咁 ， 將 清 水 當 做 消 毒 水 ， 洗 完 胃 鏡 又 「 消 毒 」 開 腦 器 械 。 舊 年 上 半 年 醫 管 局 屬 下 醫 院 就 發 生 九 百 幾 宗 藥 物 事 故 ， 派 錯 藥 、 搞 錯 劑 量 ， 有 人 仲 將 藥 物 餵 錯 畀 另 一 個 病 人 。 就 算 人 都 死 ， 仲 要 畀 佢 糟 質 ， 醫 院 殮 房 成 日 撈 亂 屍 體 。 食 物 及 生 局 局 長 周 一 嶽 真 係 周 一 鑊 ， 佢 領 導 下 ， 公 立 醫 院 周 周 都 有 一 鑊 。

死 人 骨 頭 都 可 以 撈 亂 ， 邊 個 敢 保 證 婦 產 科 唔 會 撈 亂 Ｂ Ｂ ？ 所 以 ， 計 功 夫 茶 話 齋 ， 全 港 應 該 開 展 一 次 全 民 驗 Ｄ Ｎ Ａ 運 動 ， 全 面 撥 亂 反 正 ， 將 可 能 被 攪 亂 親 子 關 係 統 統 糾 正 過 來 。

不 過 ， 呢 個 大 計 唔 係 唔 好 ， 但 係 有 周 一 鑊 度 阻 住 晒 ， 乜 好 事 都 變 壞 事 啦 。 咁 喇 ， 將 佢 炒 就 一 天 光 晒 。 周 一 嶽 ， 識 趣 ， 鞠 躬 落 台 喇 ！