近 期 各 界 將 天 水 圍 煲 得 火 熱 ， 又 話 慘 又 話 悲 情 ， 有 年 輕 人 仲 講 到 住 面 好 似 影 衰 自 己 咁 ， 係 咪 咁 嚴 重 就 唔 知 ， 但 屯 門 發 鄉 議 局 主 席 劉 皇 發 就 話 可 以 改 過 個 名 轉 運 。 發 叔 話 ， 最 近 聽 風 水 師 講 ， 天 水 圍 唔 應 該 有 個 「 圍 」 字 ， 事 關 以 前 養 魚 就 話 要 圍 住 水 ， 但 依 家 已 經 變 做 城 市 ， 圍 住 即 係 等 於 困 住 ， 所 以 改 做 「 天 水 」 就 差 唔 多 ！

原 來 「 天 水 」 係 有 出 處 ！ 發 叔 話 ， 宋 太 祖 趙 匡 胤 祖 先 來 自 甘 肅 省 天 水 一 帶 ， 稱 為 天 水 人 ， 後 來 趙 匡 胤 後 人 天 水 圍 一 帶 聚 居 發 展 ， 為 紀 念 趙 匡 胤 ， 就 將 自 己 條 村 落 改 做 天 水 圍 村 ， 政 府 後 來 就 用 呢 條 村 名 做 成 個 區 名 稱 。 早 排 「 發 哥 」 周 潤 發 提 議 過 將 天 水 圍 改 名 ， 同 樣 叫 阿 發 發 叔 都 話 有 可 能 ， 改 個 名 唔 係 咁 困 難 ， 事 關 陰 澳 都 改 名 叫 做 「 欣 澳 」 啦 ！

有 人 就 建 議 將 天 水 圍 改 做 「 發 圍 」 ， 有 得 發 圍 仲 唔 好 ？ 但 發 叔 笑 稱 驚 人 又 鬧 佢 為 私 利 ， 以 前 屯 門 「 皇 珠 路 」 都 畀 人 鬧 佢 用 自 己 同 老 婆 個 名 做 路 名 ， 所 以 依 家 仲 敢 咩 ！