尋 日 端 午 佳 節 ， 炎 炎 夏 日 ， 好 多 市 民 全 家 大 細 興 高 采 烈 趕 赴 公 眾 泳 池 游 「 龍 舟 水 」 ， 點 知 個 個 吃 閉 門 羹 ， 原 來 康 文 署 好 揀 唔 揀 ， 居 然 揀 呢 個 大 時 大 節 清 洗 泳 池 ， 剝 奪 市 民 浸 「 龍 舟 水 」 權 益 ， 搞 到 市 民 一 片 媽 媽 聲 ， 冇 晒 癮 頭 ！

民 間 習 俗 認 為 游 「 龍 舟 水 」 可 以 辟 邪 祛 病 ， 但 市 民 尋 日 卻 被 康 文 署 激 到 「 嘔 電 」 ， 生 蝦 咁 跳 。 話 說 康 文 署 今 次 一 共 關 閉 八 個 公 眾 泳 池 ， 其 中 包 括 位 於 市 中 心 區 、 極 受 市 民 歡 迎 九 龍 公 園 游 泳 池 ， 有 市 民 好 難 先 至 約 齊 全 家 ， 山 長 水 遠 由 東 涌 去 到 九 龍 公 園 ， 本 以 為 可 以 消 暑 散 熱 ， 齊 浸 「 龍 舟 水 」 ， 點 知 去 到 摸 門 釘 ， 原 來 泳 池 關 門 大 吉 ， 怎 不 怒 火 中 燒 ， 自 然 不 斷 「 問 候 」 康 文 署 署 長 周 達 明 ， 就 連 立 法 會 議 員 王 國 興 都 話 康 文 署 食 古 不 化 ， 唔 識 變 通 ， 簡 直 豈 有 此 理 ！

確 係 鬧 得 有 道 理 ！ 康 文 署 明 明 知 道 尋 日 係 端 午 節 ， 市 民 有 游 「 龍 舟 水 」 習 慣 ， 點 解 遲 唔 洗 、 早 唔 洗 ， 偏 偏 揀 呢 日 洗 池 呢 ？ 如 果 確 要 清 洗 ， 點 解 夜 晚 唔 洗 ， 要 揀 日 頭 洗 ， 等 市 民 白 跑 一 趟 ， 的 確 豈 有 此 理 ！ 呢 排 西 貢 海 面 發 現 虎 鯊 ， 紅 潮 襲 港 ， 公 眾 泳 池 又 關 閉 ， 周 達 明 可 唔 可 以 向 市 民 交 代 ， 邊 度 可 以 游 「 龍 舟 水 」 呢 ？ 唔 通 周 署 長 屋 企 個 私 家 泳 池 可 以 畀 大 家 享 受 ？

三 十 三 度 高 溫 ， 周 身 大 汗 市 民 ， 倘 若 憤 怒 之 下 ， 一 言 不 合 ， 郁 手 打 起 上 ， 破 壞 回 歸 十 周 年 「 和 諧 」 氣 氛 ， 又 由 邊 個 負 責 ？ 曾 特 首 日 前 話 ， 要 為 「 香 港 人 締 造 更 優 質 的 生 活 」 ， 康 文 署 咁 樣 因 循 守 舊 ， 食 古 不 化 ， 虐 待 市 民 ， 點 可 以 締 造 更 優 質 生 活 ， 周 達 明 又 點 向 特 首 和 市 民 交 代 ？

康 文 署 福 為 民 開 係 假 ， 獨 斷 獨 行 係 真 ， 佢 只 管 自 己 方 便 ， 哪 管 市 民 掃 興 。 康 文 署 魚 涌 公 園 建 造 展 覽 館 ， 安 放 消 防 處 退 役 海 上 拯 救 旗 艦 「 葛 量 洪 號 」 ， 結 果 一 年 工 程 拖 三 年 ， 依 家 仲 未 完 成 ， 令 到 周 邊 海 濱 公 園 長 期 封 閉 ， 附 近 居 民 飽 受 滋 擾 ， 苦 不 堪 言 。 康 文 署 仲 用 「 天 氣 影 響 」 、 「 技 術 困 難 」 等 幼 稚 園 水 平 藉 口 呃 市 民 。 政 府 閒 米 養 懶 蟲 ， 愈 養 大 食 懶 愈 多 。

曾 蔭 權 話 對 政 府 新 要 求 係 「 不 甘 平 庸 ， 追 求 卓 越 」 ， 但 如 果 一 個 平 庸 政 府 ， 偏 偏 話 「 不 甘 平 庸 」 ， 胡 作 亂 為 ， 除 有 破 壞 冇 建 設 之 外 ， 所 作 糊 塗 政 務 ， 唔 係 擾 民 又 係 乜 呢 ？ 好 啦 ， 各 部 門 「 不 甘 平 庸 ， 追 求 卓 越 」 結 果 就 係 ， 有 禁 煙 惡 法 擾 民 、 有 僱 傭 煩 法 擾 民 、 有 無 厘 頭 地 鐵 禁 粗 口 法 擾 民 ， 依 家 康 文 署 「 不 甘 平 庸 」 ， 又 以 端 午 節 洗 泳 池 「 追 求 卓 越 」 ， 莫 非 咁 就 「 二 十 年 來 最 好 」 ？

過 去 七 年 中 ， 有 一 百 九 十 名 公 務 員 被 革 職 ， 但 多 數 係 薪 金 少 於 一 萬 八 千 元 低 級 公 務 員 ， 只 有 一 名 首 長 級 職 員 遭 革 職 。 特 區 政 府 咁 多 擾 民 劣 政 ， 點 解 就 冇 高 官 被 問 責 呢 ？ 周 達 明 如 此 誤 民 ， 特 首 要 「 追 求 卓 越 」 ， 不 如 炒 晒 佢 先 啦 ！