於 一 八 七 五 年 十 一 月 七 日 創 校 ， 聖 若 瑟 書 院 今 年 一 百 三 十 歲 ！ 呢 間 歷 史 悠 久 中 學 ， 歷 來 畢 業 政 、 經 、 體 育 、 藝 術 名 人 ， 數 都 數 唔 清 。

單 係 近 代 ， 運 動 迷 耳 熟 能 詳 ， 香 港 賽 馬 會 主 席 夏 佳 理 、 足 總 主 席 康 寶 駒 ， 游 水 方 力 申 、 司 徒 瑞 祈 、 符 泳 、 鍾 國 樑 ， 踢 波 叻 有 現 役 香 港 足 球 代 表 隊 隊 長 李 偉 文 、 朱 兆 基 、 李 思 明 、 甲 組 腳 陳 志 康 、 楊 正 光 、 梁 智 駒 、 陳 家 麒 、 仲 有 尹 敬 良 、 林 曉 峰 、 張 耀 麟 同 張 耀 聰 兄 弟 等 ， 當 中 梗 係 唔 少 得 山 度 士 ， 佢 亦 係 聖 若 瑟 足 球 最 輝 煌 時 代 支 柱 ， 仲 有 唔 少 得 籃 球 名 將 ， 好 似 潘 志 豪 、 張 錦 州 、 李 偉 倫 、 翁 金 驊 、 翁 萬 特 、 陳 志 豪 、 潘 浩 賢 、 余 興 海 ， 絕 對 係 人 才 輩 出 。

生 日 酒 會 冠 蓋 雲 集
為 慶 祝 一 百 三 十 周 年 生 日 ， 呢 個 月 廿 三 號 ， 聖 若 瑟 舊 生 會 已 經 響 會 展 舉 行 一 個 酒 會 ， 當 晚 簡 直 係 冠 蓋 雲 集 ， 陳 方 安 生 、 范 徐 麗 泰 、 周 梁 淑 怡 三 位 舊 生 太 座 ， 中 大 東 華 三 院 社 區 書 院 校 長 何 文 匯 、 公 開 大 學 校 長 梁 智 仁 、 前 工 商 及 科 技 局 局 長 周 德 熙 、 鄔 維 庸 醫 生 、 梁 智 鴻 醫 生 等 舊 生 全 部 到 場 ， 鄧 浩 光 同 方 力 申 兩 個 前 後 期 香 港 游 泳 奧 運 代 表 都 有 上 台 講 感 受 ， 仲 有 佢 小 學 部 功 夫 隊 於 練 李 暉 帶 領 下 表 演 。 一 月 三 十 日 ， 就 正 式 一 百 三 十 歲 ， 聖 若 瑟 書 院 會 舉 行 開 放 日 ， 佢 已 經 請 佢 舊 生 、 財 經 名 人 李 國 寶 返 校 任 嘉 賓 ， 順 便 舊 。

■ 圖 ／ 文 ： 蔡 掌 雄