葉鴻輝 100 場港隊派3蛋贈興

港隊今場有門神葉鴻輝，第100次代表港隊上陣，足總賽前亦特意舉行簡單儀式向他致敬。4人後防為周緣德、徐宏傑、費蘭度和鐘樂安，黃威、顏卓彬坐鎮中場，尼高拉斯、安永佳及艾華頓負責攻堅。

面對世界排名低出31位的蒙古，港隊4分鐘已有埋門機會，艾華頓開出角球，祖連奴近門撞高。24分鐘港隊率先打破缺口，祖連奴左路突破，艾華頓無人看管下射入。港隊之後繼續佔據主動，30分鐘艾華頓左腳燙射斜出。惟5分鐘後即再下一城，艾華頓篤前，黃威禁區內大腳抽入，港隊半場領先兩球。

易邊後港隊換入艾華、杜度，53分鐘差點收到成效，艾華突破越位，半單刀卻被對方門將擋出。7分鐘後，今次輪到艾華傳中，助攻尼高拉斯頂成3比0，後者更取得代表隊首個入球。港隊接下來未有放軟手腳，6分鐘後艾華接應顏卓彬直線，窄角度起腳未能考驗對方門將。比賽尾段，港隊再有機會增添比數，艾華斬入禁區，陳肇鈞混戰下窩利但角度太正，最終港隊維持贏3球，首戰順利旗開得勝。■圖、文：李浚湣、文嘉靖