盧比度為球員驕傲

盧比度承認球隊水平與「亞冠盃2」其餘對手存在很大距離，但對於陣中眾將的落力表現感到驕傲：「今場無論『宇曦』（吳宇曦），定係『Timmy』（馬希偉），佢哋只得18、20歲，但場上表現絕對係唔失禮，佢哋喺亞洲級舞台上面發揮，呢方面喺賽果或者數據上未必反映到出嚟，但係呢啲經驗就係球隊日後成長嘅重要養分。」

另外，上半場馬高斯被馬菲斯侵犯後頸部受傷倒地，隨後被醫護人員用擔架抬離場；盧比度賽後透露，馬高斯出現短暫性失憶，確切傷勢仍屬未知，已送往醫院進一步檢查治療。