港會均業北區駁火求開齋

「阿嘴」又呼籲隊友調整心態，以免一落後便自亂陣腳：「其實最近幾場踢落唔太差，但失咗波後就開始唔集中，搞到失多幾球，呢點一定要搞搞佢。」陣容方面，唐道碧和峇夏比需要停賽，對人腳調動構成影響。

另邊廂均業北區剛在「高級組銀牌」8強，大敗予理文出局。今場返回聯賽戰線，面對同級對手港會，中場劉君正表示會全力爭勝：「球隊聯賽到依家都未贏過，好想今場踢出部署，用贏波振奮士氣。雖然喺『菁英盃』贏過港會，但其實唔太能夠作準，始終佢哋作出咗唔少輪換。」今季各項賽事已上陣6次的「君正」，指自己表現有進步空間，希望接下來賽事能幫助球隊，盡量減低失球。