昔日東方友賽試新招 港女足不敵緬甸
香港女子足球代表隊周三作客緬甸，與當地國家隊進行首場友賽。港隊一度憑曾麗薇先開記錄，但之後連番失手，最終以1比4反負對手，兩隊周六（26日）會轉到Bahan Football Stadium再次交手。
曾麗薇入波一度領先
港隊今場正選起用吳卓蔚把關，4人後防為胡彩瑤、郭靖雯、鍾貝琪和朱素君，隊長陳詠詩、馮雪雯在中場掃蕩，曾麗薇、傅昭文及韋婉婷則墮後支援箭頭張煒琪，而外流兵之一的蘇鎧霖先列後備。港隊世界排名雖比緬甸低出25位，但10分鐘一度先開記錄，曾麗薇接應傅昭文傳送，推入禁區起腳得手，但緬甸在40分鐘憑遠射追平，半場兩隊踢成1比1。易邊後緬甸連攻入兩球反超前3比1，但港隊未有放棄，83分鐘後備入替的梁匡蕎連過幾關後施射但角度太正。補時階段港隊再失多球，最終以1比4敗陣。
入球功臣曾麗薇賽後承認與緬甸實力存在差距：「技術上可能差唔多，但逼搶、行軍速度同緬甸差好遠，之後會加緊練習，睇吓點樣喺壓逼下搓番個波出嚟。」不過「阿妹」續指球隊在今場改踢新戰術，整體發揮已算不俗：「今場踏出咗第一步，由龍門開始嘗試小組短傳，唔會隨便踢高波。我入嗰球正正由後場組織，再逐步打穿對方防守。」
人人做記者
爆料方法 :
爆料熱線：
(852) 3600 3600
傳 真：
(852) 3600 8800
SMS：
(852) 6500 6500
