加維復出！巴塞大捷振軍心

巴塞上半場由羅拔利雲度夫斯基梅開二度，加上柏迪入波領先3比0。柏保路托尼喺82分鐘射成4比0後，上年11月因十字韌帶撕裂長抖嘅加維，相隔349日後再為巴塞上陣入替柏迪，柏迪亦為加維配戴隊長臂章。西維爾87分鐘破蛋，但1分鐘後柏保路托尼再入1球，助巴塞大勝5比1。

加維今場踢咗10分鐘表現唔錯，8次傳球100%成功，而且仲有一次關鍵傳送，巴塞周中歐聯會對拜仁慕尼黑，下場聯賽再鬥皇家馬德里，加維回歸絕對係及時雨。