昔日東方由閘轉踢中堅茹子楠：難咗爭正選
港隊周二晚擊敗柬埔寨，當中後備入替改任右中堅的茹子楠，坦言仍未熟習新位置，又承認港隊新踢法或影響其正選機會，但他強調會繼續努力學習。
港隊在韋斯活領軍下，進攻時改踢3後衞陣式，令今場後備落場的「茹子」，要由慣常右閘改踢右中堅，賽後他坦言仍在適應中：「我未踢過呢個位，但每位教練都有自己戰術，要去練吓。踢中堅係會多啲波掂，因為由我去發動攻勢，同埋韋斯活都主張控球在腳、進攻多啲。」
努力適應爭取信任
對於連續兩場友賽退居後備，「茹子」承認新踢法下爭正選存有難度：「一定有影響，始終我唔擅長踢中堅，中堅要更加注重防守企位、包波，教練都想用啲大隻及高大嘅球員，希望可以令佢信任。」另外「茹子」效力的梅州客家，暫時排中超尾二，深受降班威脅，這名外流港將透露會趕返梅州報到，盼下場能擊敗安永佳效力的深圳新鵬城。
文：李浚湣
人人做記者
爆料方法 :
爆料熱線：
(852) 3600 3600
傳 真：
(852) 3600 8800
SMS：
(852) 6500 6500
