昔日東方克服疲態4場入3球卡朗：苦練嘅成果
九龍城昨於港超聯作客擊敗港會，九龍城前鋒卡朗初段射入12碼，為球隊先開紀錄，賽後這位巴西射手非常高興球隊取得勝仗，期望繼續為球隊貢獻，力爭更高排名。
期望爭取更高排名
卡朗表示8日內面對3場賽事下，難免出現疲態，但慶幸自己咬緊牙關，奮戰到底：「我覺得呢個禮拜踢3場比賽對我嚟講係幾辛苦，但係我哋每日訓練都唔敢鬆懈。我就係希望勤力啲操練，今場可以發揮到出嚟幫球隊贏波。唔只係我，每個人都打得好好，我哋要繼續努力，堅持落去做好成績，帶啲好波畀球迷睇。」
這位森巴兵亦為球隊的努力同拚搏感到驕傲：「要喺港會呢個地獄主場比賽一啲都唔容易，而且對手防守方面都好嚴密，下半場我都想嘗試可唔可以入多一兩球，可惜都係創造唔到入球機會，好彩我哋隊友都好團結，去到尾段韋利安幫我哋再入多一粒，我真係好開心，係我哋一齊努力嘅成果。」
人人做記者
爆料方法 :
爆料熱線：
(852) 3600 3600
傳 真：
(852) 3600 8800
SMS：
(852) 6500 6500
